DILI, STLNEWS.co – Uniaun Emiradu Arabe (UEA) konvida Primeiru Ministru (PM) Kay Rala Xanana Gusmão, atu partisipa Conference Of the Parties (COP) 28, neebe koalia konaba mudansa klimatika tinan nee iha UEA.
Tuir Embaixador United Arab Emirated Arabe (UEA) Abdulllah Salem Aidhaheri katak, vizita ohin hodi hatoo kumprimentus husi Prezidente UEA no Visi Prezidente neebe asumi mos kargu nudar Pimeiru Ministru nian, ba PM Xanana Gusmão.
Iha oportunidade nee mos hatoo konvite husi lider sira ba PM Xanana, hodi partisipa iha serimonia boot ho naran Conference Of the Parties (COP) 28, konaba mudansa klimatika.
“Cop 28 nee sei hahu iha 30 Novembru, too 12 Dezembru ba tinan 2023. Iha diskusaun ho PM, koalia konaba vizita Estadu PR nian neebe atu ba UEA, iha 13 Outubru, i koalia mos konaba kooperasaun ba area prioridade sira mak TL ho UEA bele explora hodi hametin kooperasaun bilateral entre nasaun 2”, katak Embaixador United Arab Emirated Arabe (UEA), Abdulllah Salem Aidhaheri ba jornalista sira iha Palasiu Governu, bainhira remata hasoru malu ho PM Xanana, Tersa (03/10/2023).
Nia dehan, iha kontestu nee koalia mos posibilidade, asina akordu rua, nunee bele loke odamatan ka sai hanesan baze ida ba kooperasaun entre nasaun 2 nee, iha area gas, infraestrutura no seluk tan.
Tuir nia, konaba konvite seidauk iha resposta klaru husi PM, tanba sei iha atividade barak, PM sei haree iha periodu hanesan.
Tuir nia, kontenti tanba PR konfirma ona atu partisipa iha Cimeira ida iha Dubai neebe sei halao iha 1-2 Dezembru, neebe sei halo mos aniversariu Estadu UEA nian ba dala 52.
Nunee mos Primeiru Ministru Xanana Gusmão hatoo obrigadu ba konvite no hatoo mos komprimentus fila fali ba PR ho PM UEA nian.
(gui)
