DILI, STLNEWS.co – Reprezentante povu iha uma fukun Parlamentu Nasional (PN) afirma, imajen neebe hatudu Uma Kbit Laek (UKL) nakfera ba rua, IX Governu presiza halo investigasaun ba prosesu kontrusaun uma ba povu nee tuir BQ ka lae.
Deputada Bankada CNRT, Maria Barreto dehan, hakarak koalia konaba UKL neebe mosu fali uma naroman ba povu (UNP), situasaun ida nee mos hanesan iha inundasaun neebe akontese iha Ainaro ho Same, neebe bainhira rai halai halo uma nee nakfera deit.
“Hau la hatene konstrusaun uma nee tuir BQ ka lae, tanba nee hau husu ba governu ida nee atu loke investigasaun ba UKL neebe mak halo,” dehan nia liu husi plenaria iha PN, Tersa (04/07/2024).
Nia hatutan, serake nia tuir prosesu aprovizonamentu ka lae, se lae presiza duni loke investigasaun para haree, UKL dala ruma laiha kualidade.
Entretantu, Deputada Maria Angelica Rangel hatete, husi kalamidade halo uma naksobu nomos iha UKL neebe mak nafera iha Ainaro.
“Ita koalia konaba estudu biabilidade konaba uma, maibe bainhira kestaun natureza ita labele tahan, dehan labele nakfera,” dehan nia.
Nia tenik, koalia hanesan nee tanba iha estudu biabilidades tekniku estudu biabilidades ekonomikus, no estudu biabilidade neebe mak halo ba jalan tol deit mos sei nakfera no naksobu, apalagi UKL ida ho deit 15 mil ho 17 mil nee.
Nia sublina, tanba iha dekretu lei mos fo dalan ba povu sira rasik mak atu hili fatin neebe sira hakarak atu halo uma ba, laos governu.
Nunee mos Deputadu Bakada FRETILIN, Antoniu Clau tenik, relasiona ho uma naroman ba povu neebe ita haree iha uma 1 ka 2 mak natureza sobu,” dehan nia.
Nia afirma, maibe nia natureza atu harii UKL nee ba duni iha fatin neebe lokaliza no identifika katak, inan aman iha merese duni atu hetan uma UKL nee.
“Entaun ita labele ba halo fali uma kbiit laek nee ba iha fatin seluk neebe mak dook husi sira nia hela fatin ba,” hakotu nia.
(dom)
