DILI, STLNEWS.co – Reprezentante povu iha uma fukun Parlamentu Nasional (PN) liu husi Prezidente Komisaun D neebe trata asuntu Edukasaun, Deputadu Antonio Verdial, husu ba ukun nain sira tenki iha fraternidade atu trata problema estudante Timor oan sira neebe halo estudu iha rai-liur, relasiona ho pasaporte neebé mate.
“Husu ba governu atu nafatin tau aan hanesan ukun nain ida neebe iha fraternidade, hodi trata oan estudante sira neebe agora sei iha hela difikuldade nia laran,” dehan nia liu husi plenaria iha PN, Tersa nee (02/08/2022).
Nia afirma, responsabilidade hanesan orgaun i organizasaun ida boot iha nasaun republika demokratika TL nee.
Aleinde nee, Deputadu Bankada CNRT, Gabriel Soares hatete, Ministeriu Ensinu Superior tenki haree ba estudante sira iha rai liur neebe sofre ba iha kitas, viza no mos pasaporte.
“Sira husu ba iha Miniteriu Ensinu Superior tenki halo kooperasaun ho Ministeriu Justisa no mos Ministriu Negósiu Estranjeiru no Koperasaun (MNEK), atu tau makina ida iha Indonezia hodi bele fasilita ita nia oan sira nee ninia pasaporte,” hatete nia.
(dom)
