Viajen Korea Do Sul & Singapura, Hametin Relasaun Bilateral

DILI, STLNEWS.co – Prezidente Republika (PR) Jose Ramos Horta ho ekipa ohin fila hikas mai iha Timor Leste, hafoin remata vizita nasaun Korea do Sul nomos nasaun Singapura. Iha biban nee, PR Horta hatete, viajen ba nasaun rua hametin relasaun bilateral rai rua.

Prezidente Republika Jose Ramos Horta liu husi konferensia iha salaun Aeroportu Nicolao Lobato Komoro, Segunda nee (05/06/2023) hatete, hafoin remata programa iha Republika Korea do Sul, viajen nee akompanha husi Ministra Negosiu Estranjeiru no Kooperasaun ba partisipa iha forum mundial Jeju forum nee halo ona tinan 18, PR rasik partisipa dala rua.

PR hatete, iha vizita nee hasoru malu mos ho Parlamentu Nasional Korea nia, lider maioria iha parlamentu, hasoru malu mos ho Primeiru Ministru Korea do Sul nomos ho ema lubuk ida iha neeba.

“Ho Prezidente Korea do Sul koalia konaba relasaun bilateral, ita hotu hakarak atu aumenta liu tan haree konaba situasaun ita nia adezaun ba ASEAN, Korea do Sul mos prontu atu apoia formasaun konstitusional, koalia mos ho samsum neebe mak iha akordu ho Timor Leste, ita haree saida tan mak sira bele halo,” dehan PR.

Nia hatete, iha vizita nee hasoru mos ho universidade ida iha Korea, iha sidade ida tekniku vokasional sira hakarak rekruta Timor oan lubuk ida ba universidade ba formasaun tekniku formasaun, i remata servisu kontinua ho kompanhia sira nia, maibe ida nee asuntu material governu mak sei follow up.

Nunee mos vizita iha Singapura, antes nee vizita uluk ona dala ida ka rua ona, maibe konferensia nee ba nudar Ministru Defeza, maibe agora ba nudar prezidente.

“Enkontru lubuk ida ho Prezidente Singapura nomos Ministru Defeza ho entudade lubuk ida, hanesan Inglatera, enkontru nee formal ho autoridade lubuk ida, no sira hotu simu ho diak, liu-liu buat neebe mak hau sempre fo koalia klaru liu mak mensajen Timor nia iha situasaun mundial rejional, tensaun boot perigozu situasaun trajedia iha Nyamar, situasaun difisil iha mundu Timor kontinua hanesan, iha demokrasia ezemplu ida dame, hanesan lilin ida naroman iha mundu,” katak PR Horta.

(eme)

LEAVE A REPLY

Please enter your comment!
Please enter your name here