DILI, STLNEWS.co – Relasiona ho viajen Prezidente Parlamentu Nasional (PPN) neebe sai beibeik, laiha implikasaun ba iha funsionamentu Parlamentu Nasional (PN) nian, tanba atividade sempre lao nafatin.
Visi Prezidente Bankada CNRT, Patrocino Fernandes hatete, bankada opozisaun kestiona viajen PPN nia nee pertinente, maibe pesoal lakohi halo komentariu liu ba iha neeba.
“Ba hau nia interese mak funsionamentu PN nian lao, no iha hela ninia funsaun. Agora dehan PPN sai beibeik ba rai liur, prezidente ida hanesan ho prezidente ida, tanba prezidente anterior sira mos molok ita hakfodak prezidente sira laiha tiha ona, entaun agora mos hanesan,” dehan nia ba jornalista sira iha PN, Segunda (11/09/2023).
Nia hatete, nudar reprezentante povu, ninia importante funsionamentu PN, no servisu deputadu sira nian mak labele paradu, mais vizita PPN nian nee tanba interese estadu no interese nasaun nian, la inplika ba funsionamentu PN no servisu la paradu, entaun nia problema nee iha neebe.
“Entaun ita nia problema mak kecemburuan ba malu deit ona, tanba sa nia ba beibeik, se ita rezolve problema estadu ho nasaun nian ho kecemburuan mak ita nunka bele rezolve problema povu nian,” tenik nia.
Nia hatutan, pesoalmente laos defende PPN ninia viajen, mais importante mak funsionamentu PN nian nudar orgaun reprezentante povu labele paradu, mais durante nee servisu lao hela.
Nia tenik, nudar opozisaun submete mais tenki iha kritika nafatin, tanba hakarak buat hotu rejimentu mak tenki guia, tanba iha VI Lejislatura kontra oituan rejimentu haree ba funsionamentu atu halao plenaria la rutina hanesan uluk.
(dom)
