DILI, STLNEWS.co – Prezidente Grupu Mulheres Parlamentares Timor-Leste (JMPTL) iha uma fukun Parlamentu Nasional (PN) afirma, haree ba violensia domestika neebe kontinua akontese, ninia kauza lo-loos mai husi mane.
Tuir Prezidente JMPTL, Alianca de Aroujo hatete, haree ba violensia domestika neebe kontinua akontese iha rai laran.
“Kauza hau bele hatete lo-loos, nee husi mane no mane sai prinsipal, maibe ami haree ba lei neebe halo iha PN, oinsa atu hatun violensia domestika inklui ho violensia sira seluk. Ami husu ba mane sira oinsa atu respeitu no komprende ba, atu nunee bele konkorda mos ho lei sira nee,” dehan nia ba jornalista sira iha PN, Kinta (20/07/2023).
Nia afirma, foin mak eleitu nudar Prezidente JMPTL, entaun iha grupu nee nia laran la koalia konaba partidu nian, maibe atu kontinua halao programa sira neebe mak uluk iha ona.
Nia hatutan, atu diminui violensia domestika iha rai laran, pontus prinsipais primeriu mak fokus liu ba familia, depois sosiedade nomos estadu, nee mak sai pontus neebe prioridade atu JMPTL halao ba oin.
(dom)
