DILI, STLNEWS.co – Apresia ba Governu Australia liu husi Ministra Negosiu Estranjeirus no Kooperasaun (MNEK), Penny Wong, neebe vitiza Timor-Leste, espresa vontade ba interese nasional iha Timor-Leste ligadu ba kadoras.
Apresiasaun nee ehatoo husi Xefi Bankada PD, Antonio da Conceiçao katak, lori bankada governu apresia ba vizita MNEK Australia nian no MNEK Japaun, mai vizita TL iha inisiu IX Governasaun, aktu diplomatiku, garante konfiansa no relasaun diak entre nasaun sira, prisipalmente ba Australia.
Vizita nee marka importansia ba TL, hodi nafatin hatudu relasaun bilateral entre TL Australia, nomos espresaun boa vontade ba interese nasional Timor nian ligadu ba kadoras.
“Louva Governu Australia ba aktu diplomatiku, sensivel ba povu Timor, neebe espresa husi MNEK Australia katak, dezenvolvimentu kadoras nesesariu duni atu ba dezenvolviomentu sustentavel Timor, hanesan nasaun vizinhu ho Australia,” katak Xefi Bankada PD Antonio da Conceiçao iha PN, Segunda (10/07/2023).
Nia hatete, aktu nee hatudu ba deputadu sira atu hanoin hamutuk saida mak interese nasional, i hatudu ba uma fukun atu lori ba koalia diak ba povu, tanba politika neebe halo ba objetivu konsta iha konstituisaun republika, objetivu ba estadu iha artigu 6.
Nunee Deputadu Bankada KHUNTO Luis Roberto hatete, iha semana kotuk MNEK Australia mai hasoru Primeiru Ministru, ida pozitivu tebes ba ita atu dada kadoras mai TL.
Tanba hanesan bankada opozisaun, normalmente koalia katak tau interese nasional iha oin, tanba ba povu no nasaun. Fiar katak kadoras sei mai TL, tanba PM Xanana kompromete ona katak Kadoras sei mai TL.
Tanba nee KHUNTO sei apoia, neebe mai iha PN atu koalia mos sei apoia.
(gui)
