Votus Reklamasaun Maioria Ba CNRT

DILI, STLNEWS.co – Komisaun Nasional ba Eleisaun (CNE – sigla portugues) halo balansu ba apuramentu nasional konaba votus reklamasaun, neebe maioria atribui ba Partidu CNRT.

Visi Prezidente CNE, Domingos Barreto liu husi konferensia imprensa hatete, CNE atu fo nia balansu konaba apuramentu nasional neebe hatene katak oras nee lao daudaun. CNE hahu halo apuramentu nasional iha 24 Maiu hodi prosede akta apuramentu munisipal 13 no RAEOA, akta sentru votasaun hamutuk 1.472 neebe inklui iha sentru votasaun 12 iha rai laran, maibe sei hela akta husi rai liur nian ka diaspora hanesan Reinu Unidu, Irlandia Norte no Portugal.

“Votus reklamadu husi Aileu 8, 4 nulu, 4 validu ba CNRT, Ainaro 5, validu ba CNRT, Atauro invalidu ba CNRT, Bobonaro 43, 24 validu CNRT, FRETILIN 5, KHUNTO 2, PD 3, Kovalima reklamadu 9, validu 4 ba CNRT, FRETILIN 2, PD 1, nulu 2, enkuantu Baukau vous deskripansia 3 neebe konsidera abandonadu”, informa Visi Prezidente CNE Domingos Barreto, iha salaun CNE Kolmera, Kinta (25/05/2023).

Nia esplika, husi Aileu votus reklamasaun 8, 4 sai nulu no 4 sai validu, atribui ba Partidu CNRT, iha Aileu mos iha deskripansia numerika maibe konsege detekta tanba eleitor neebe vota la tuir iha urna laran, ida nee konsidera votus rezeitadu.

Enkuatu iha Ainaro nian iha votus reklamadu 5 sai validu neebe atribui ba Partidu CNRT, nunee iha Atauro votu reklamadu 1 atribui ba CNRT, husi Bobonaro votus reklamadu hamutuk 43, nulu 6, branco 3, no validu 34, atribui ba PD 3, KHUNTO 2, FRETILIN 5, CNRT 24, husi kovalima votu reklamadu 9, nulu 2, validu 7 atribui ba PD 1, FRETILIN 2, enkuantu CNRT 4.

Husi Baukau iha mos deskripansia iha voletin votus 3 sai nudar abandonadu, tanba eleitores neebe vota la tau boletin iha urna laran.
Loron dahuluk halao apurametu nasional, simu mos keisa ho reklamasaun 2 neebe indisius ba iha eleisitu eleitoral keisa neebe CNE simu ona. Nunee mos iha ema balu hamutuk ho Partidu CNRT ho Os Verdes halo partisipasaun konaba minoridade iha votasaun, konfirma mosu pratika neebe katak krimi eleitoral.

Iha mos minoridade nee ladauk atinji idade 17 atu vota, nia moris iha fulan Agustu 2006, no oras nee daudaun prosesu ba ona ha Ministeriu Publika.

Laos nee deit, maibe CNE mos simu reklamasaun husi sidadaun ida husi Partidu CNRT ho Os Verdes iha sentru votasaun EP, Majo, suku Ai-Asa, Bobonaro kona ba fiskais nain 2 uza kartaun kredensial ida deit hodiba vota, nee mos keisa ona no prosesu lao ona, iha mos kazu ida iha eleitor ida vota dala 2, nia hanesan fiskais husi partidu KHUNTO nian, nia ba vota tiha iha sentru votasaun ida depois vota tan iha Sentru votasaun seluk. kazu ida nee nia prosedementu iha ona, no polisia halo ona investigasaun, i oras nee sub-mete ona ba munisteriu publiku.

Nia hatete, konaba apuramentu nasional sei halao durante 72 nia laran, no agora CNE halo ona apuramentu ba loron daruak i sei termina iha aban. neebe lokraik sei simu urnas husi Reinu Unidus, Irlandia Norte no Portugal.

Husi reklamasaun neebe iha, nee seidauk final tanba agora dadaun apuramentu sei lao hela.

Tuir nia, agora dadaun laiha impaktu signifikativu atu halo mudansa ba votus, i ba sira neebe nia votus laliu barereira, atu hatete katak sistema DHO nee laiha, atu partidu kiik fo votus ba partidu boot, i votus nee iha lei la hateten atu fo ba partidu sira seluk. Ho kazu hirak neebe mak akontese, maibe sei lao tuir prosesu, neebe iha investigasaun MP sei haree atu haree.

Ba futuru tenki eleva kualidade edukasaun sivika, liu-liu ba STAE nian, tanba sira la halo verifika, neebe apuramentu final nee sei iha loron 24, tanba nee aban sei kontinua halo fali konferensia imprensa.

(gui)

LEAVE A REPLY

Please enter your comment!
Please enter your name here