DILI, STLNEWS.co – World Food Program (WFP) iha komitmentu servisu hamutuk ho governu, no Prezidente Republika (PR) hodi bele asegura seguransa ai haan hodi kombate malnutrisaun.
Kestaun nee hatoo husi reprezentante hanesan Diretora Nasional Programa Alimentar Mundial, Alba Cecilia Garzon ba jornalista sira, bainhira remata hasoru malu ho Prezidente Republika Jose Ramos Horta iha Palasiu Prezidente Bairo Pite, Kinta (13/07/2023).
Nia hatete, enkontru ho Prezidente Republika Jose Ramos Horta koalia konaba seguransa ai haan, nunee mos koalia konaba malnutrisaun.
“WFP kontinua servisu hamutuk ho governu no prezidente, nunee hadia malnutrisaun iha Timor Leste nomos inseguransa ai haan,” dehan Diretora.
Nia hatete, WFP nia apoiu ba merenda eskolar, protesaun sosial no oinsa atu haree mos raes badak, atravez servisu hamutuk ho prezidente para haree ba kojina ba komunidade liu-liu ba ema vulneravel sira, atraveza, mereda eskolar liu liu haree mos ba labarik neebe ho idade fulan 6 too tinan 2.
Nia hatutan, intervensaun hanesan WFP nia apoiu, liu-liu konaba iha programa merenda eskolar, protesaun sosial, nunee mos oinsa atu haree konaba raes badak, i servisu hamutuk ho prezidente atu haree konaba hanesa kozina ba Komunidade, liu-liu ba ema vulneravel sira, atraves husi programa merenda eskolar, liu-liu ba labarik neebe fulan 6 too tinan 2 hodi haree sira nia kresimentu ba ida nee, neebe atraves husi programa nasional husi governu nee nian, WFP servisu hamutuk ho Governu para hadia ida nee.
“Nebe programa balu halao tiha ona, pur ezemplu programa merenda eskolar, no balu tan sei halao iha tempu badak”, katak nia.
Nia hatutan, programa neebe WFP apoiu ba MunisÃpiu tolu, depois programa merenda eskolar programa nasional, neebe mak implementa iha munisÃpiu 13, i depois WFP sei halo inspensaun tan ba Munisipiu tolu iha tempu badak, apoiu programa governu nia, munisipiu 3 mak Bobonaro, Baucau no Manufahi.
Nunee mos mal nutrisaun Aas iha Timor Leste tanba faktores prinsipal mak hanesan, Mukit no mos probreza, karik laiha kuantidade nomos kualidade ai-han naton, para bele sustenta hahan loron-loron, bele hamosu hanesan malnutrisaun, neebe iha faktores sira seluk-seluk mos intermos de Faktores moras nia.
Nia dehan, WFP apoiu Programa iha munisipiu 3 tanba programa nasional, tanba haree prosesu desentralizasaun, ida nee mak hahu uluk ho MunicÃpiu tolu.
Iha enkontru nee Prezidente Republika Jose Ramos Horta husu WFP haree ba bem estar ema nian, liu-liu ba labarik sira, oinsa bele melhora diak liu tan problema sira neebe iha, intermos de seguransa ai haan, malnutrisaun, atu oinsa bele sai nasaun ida dezenvolvidu intermos de kapital umanu.
(eme)
