Xanana: Komite Nasional Xina Hakarak Apoiu TL

DILI, STLNEWS.co – Komite Nasional Xina hasoru Primeiru Ministru Kay Rala Xanana Gusmão, hodi informa hakarak apoia saude iha Timor-Leste.

Primeiru Ministru Kay Rala Xanana Gusmão hatete, Visi Prezidente Komite Nasional Xina mai hanesan amigu, mai ho preokupasaun diferente ho delegasaun husi Xina nian, sira mai atu haree ba kondisaun saude nian.

“Sira mai iha Sabadu no Domingu sira lao haleu Timor, i sira ba Maubisi, Baukau no fatin sira seluk tan, haree ita nia ospitais, klinika no haree kondisaun saude ita nia povu sira nian, i sira fila ho konhesimentu hodi mai informa”, katak PM Xanana Gusmão ba jornalista, Segunda (04/12/2023) iha Gabinete Fronteira Maritima, Palasiu Governu.

Tuir Xefi Ezekutivu katak, sira mai fokus apoia nee iha area saude, sira mos sei haruka tan team seluk mai atu haree saida mak sira bele ajuda, tanba nee ohin mai koalia, em jeral deit konaba saida mak sira bele apoia iha area saude nian. I sira nee NGO ida iha Hongkon, sira haree liu ba oinsa bele ajuda.

(gui)

LEAVE A REPLY

Please enter your comment!
Please enter your name here