Xanana: Povu Merese Hetan Governante Responsabilidade

DILI, STLNEWS.co – Loron dahuluk ba debate proposta lei Orsamentu Jeral Estadu (OJE) 2024, neebe ho karater urjensia, ida nee povu merese hetan governantes iha responsabilidade, hodi servisu ho efisensia no lais ba planu neebe atu halao iha tinan oin.

Liu husi diskursu Xefi Ezekutivu Kay Rala Xanana Gusmão hatete, oportunidade nee nudar priviléjiu, bele mai aprezenta proposta lei OJE 2024 nian ba parlamentu, no proposta lei ida nee ho karater urjensia, hodi permite remata tiha prosesu lejizlativu tinan ida nee. Ida nee mós mak sei permite atu taka vijência OJE 2023 iha 31 Dezembru, no bele ona hahú tinan foun 2024 ho orsamentu estadu rasik.

“Povu merese katak nia governantes sira no instituisaun públikas sira hotu tenki servisu ho lalais, ho efisensia no ho responsabilidade. Povu Timor merese atu prioridades neebe define ona ba próximu ano, tenki komesa implementa daudaun, iha tinan foun hahú, sem duodésimos, sem insertezas ka atrazus iha implementasaun ba politikas neebe hasai ona iha programa. No nee hotu só bele akontese, bain-hira instituisaun demokratikas do estadu koopera ba malu, ba defeza interese povu”, hatete PM Xanana Gusmão iha debate proposta Lei OJE 2024, iha faze jeneralidade ba loron dahuluk, Tersa (12/12/2023) nee iha PN.

PM Xanana senti ksolok, tanba haree katak fila fali ona ba dalan neebe diak konaba konsolidasaun de ezersisiu demokratiku, liu husi dialogu, kooperasaun no husi interasaun institusional, nudar prinsipius fundamentais atu atinje (ka hetan) projetu ida neebe komum, maka atu promove dezenvolvimentu ekonomiku no sosial iha Timor-Leste.

Hamutuk ho valores ba boa governasaun, transperensia no konaba responsabilidade finanseira no administrativa, valores neebe governu ida nee incute (ka, hatama) iha prosesus orsamentais, tenki rekonhese katak kooperasaun institusional entre orgaun soberania mak sei kontribui atu reafirma Estadu Direitu Demokratiku nudar lema (ka, hanoin no hakarak) boot ida ba IX Governu Konstitusional.

“Projetu neebe Governu mai apresenta ba 2024, atu harí ponte ba loron aban, investe iha setor produtivu no iha kapital sosial, ami konsidera no tau, iha orsamentu, objetivus estratéjikus husi Programa IX Governu Konstitusional, iha pilares fundamentais rua, setor produtivu no Kapital sosial”, tenik PM Xanana.

Xefi Governu nee hatete, orsamentu ida nee, nudar primeiru orsamentu IX Governu nian, estabelese fundasaun (ka, bases) ba sá ida hakarak konkretiza (ka, halao) iha tinan lima mai, oinsá, sei konkretiza, liu husi promove investimentus prioritárius, neebe bele kontribue ba konstrusaun futuru neebe próspero no sustentável.

Kontinua ba pajina 2

LEAVE A REPLY

Please enter your comment!
Please enter your name here