2030 Povu Asesu Bee Moos 100%

Plataforma Nasional Besi Timor Leste (PN-BESI-TL), Koko Valentin. (Foto: STL News/Natalina Lopes)

DILI, STLNEWS.co – Governu planu iha tinan 2030, povu Timor Leste sei hetan asesu ba bee moos pursentu 100 (100%-red).

Dehan Plataforma Nasional Besi Timor Leste (PN-BESI-TL), Koko Valentin ba jornalista sira, iha Salaun Esperansa Elem Loi, Dili, Tersa (22/09/2020).

“Ita nia governu luta hela oinsa iha tinan 2030, uma kain tomak iha Timor Leste, sei asesu bee moos 100%,” dehan Koko.

Nia hatutan, Orsamentu Jeral Estadu kada tina-tinan governu investe deit 1% husi Orsamentu Jeral Estadu, OGE nee mos laos atu halo konstruksaun fizika, maibe nee selu ba bem servisu.0.5% deit maka investe ba konstruksaun nee uituan.

“Ami nia rekomendasaun prinsipal maka ida nee, presiza kompleta ninia enkuadramentu legal sira, tuir mai tenke investe orsamentu neebe naton, tanba iha estudu barak neebe governu halo ona, orsamentu hasae ba iha 3% too 100% kada tinan, nee para ami hanoin katak nesesidade baziku hot-hotu tenke hetan ho diak, governu investe ba setor sira neebe maka importante para atu garante ita nia povu,” dehan nia.*

Reportajen: Natalina Lopes
Editora: Carme Ximenes

LEAVE A REPLY

Please enter your comment!
Please enter your name here