Ai-Moruk 130 Items Stok Laiha

DILI, STLNEWS.co – Medikamentus 130 items, husi 452 items medikamentu rejistradu maka dadaun nee stok laiha iha armajen sentral.

Kestaun nee hatoo husi Diretor Ezekutivu Servisu Autonom Medikamentu no Ekipamentu Saude (SAMES), Santana Martins ba STL iha nia knar fatin SAMES Tersa (18/05/2021).

Nia esplika, items medikamentu sira refere, kategoria ba lista aimoruk nesesariu, esensial no vital, no ai-moruk nesesariu no esensial items balun maka laiha bele subtitui ho items seluk, atu halo tratamentu, maibe aimoruk vital labele subtitui hanesan aimoruk amiodarone injection 150mg/3ml/amp/1ml, antivenom immunoglobulin injection, carbamazepine scored 200mg tabs no Cefuroxime axetil oral suspension 125mg/5ml/bot/60ml.

“Ai-moruk carbamazepine scored 200 mg, ai-moruk nee ba moras epilepsia ou liman ain toos, nee maka ami preokupa tebes tanba laiha, ami komunika ona ba distributor sira iha rai laran no nasaun Australia, maibe sira mos hein hela transportasaun, ai-moruk nee vital tebes laiha bele prejudika pasiente hanesan mos ai-moruk vital seluk ba moras fuan nian,” nia dehan.

Nia infroma, iha situasuan pandemia nee bele iha kontratu tiha ona maibe sasan labele mai tanba transportasaun laiha, ida nee maka dezafiu boot ba sira.

Aleinde medikamentu, iha mos 45% items husi 414 items konsomoves neebe rejistu iha lista nasional, dadaun nee laiha. Items sira refere balun vital tebes hanesan gause abdominal, produtu nee uza iha sala operasaun, wainhira halo operasaun presiza atu hamaran ran neebe iha.

Nia informa sira mos iha kontratu ho kompania lokal 8 iha rai laran atu bele fo responde emergensia ba nesesidade fasilidade saúde nian, wainhira armajen sentral stok laiha.

Entretantu Vice Presidente Parlamentu Nasional, Luis Roberto bolu atensaun ba Ministeriu Saude atu haforsa sistema saude itermus jestaun ba rekursu humanu, medikamentus, ekipamentu medika hodi asegura asistensia saude ba populasaun sira neebe presiza atendimentu saude.

“Husu nafatin atu atendimentu ba kualker pasiente sira, mediku sira neebe halo estudu iha sensia ba saude tenke brani atu fo atenidmentu. Labele dehan fali swab test tiha lai rezultadu negative maka fo atendimentu, tanba ida nee dada tempu pasiente bele mate,” nia afirma.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: