Ai-Moruk Tamoxifen Latama Iha Lista

DILI, STLNEWS.co – Ai-moruk Tamoxifen kona ba moras kankru latama Iha lista esensial medikamentu Timor-Leste, tanba Servisu Autonomia Medikamentu no Ekipamentu Saúde (SAMES), lahalo kompras.

Hatete Diretora Ezekutivu Servisu Autonomia Medikamentu no Ekipamentu Saúde (SAMES), Santana Martins ba jornalista STL, iha nia knaar fatin kuarta (14/7/2021)

“Hau atu dehan deit, ita nian ai-moruk Tamoxifen kona ba espesialista nian ba moras kankru, moras kurasaun nian barak maka la tama iha lista esensial medikamentu nian, tanba nee ita stok iha armajen laiha atu distribui ba ospital sira, hodi halo kontinuasaun tratamentu ba pasiente sira neebe halo ona tratamentu iha rai liu,” dehan Santana.

SAMES tuir nia katak rekomenda ba familia sira karik fila fali mai kontinua ho ai-moruk nee tenke entrega reseita nee ba mediku sira atu prosesu sedu, labele hein ai-moruk hotu tiha maka lori reseita ba mediku sira nee susar tanba TL laiha fabrika.

Nia dehan, prosesu tenderizasaun ba ai-moruk espesialista sira nian, maibe ho kuantidade neebe kiik tanba nee kompanha sira lakohi partisipa, dadaun nee stok medikamentu neebe disponivel iha armajen sentral 81% husi total 452 items medikamentu iha lista esensial nian, maibe items balun neebe nafatin laiha.

Antes nee, Koordenadora Programa Hau Hili Atu Kura iha Fundasaun Alola, Pascoela Barreto informa, durante nee sira ajuda sosa medikamentu ba pasiente kankru susun tanba sira tenke konsumu aimoruk nee lorloron.

Tanba la fasil atu iha asesu ba medikamentu sira kankru nian iha rai laran, tanba nee sira enkoraja pasiente sira atu aprejenta sedu, bainhira ai-moruk menus ona atu bele buka iha farmasia privado sira.*

Reportajen: Jeniche da Costa
Editora: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: