Aimoruk Iha Armazen SAMES Hela 35%

DILI, STLNEWS.co – Aimoruk iha armazen Servisu Autonomu Medikamentu no Ekipamentu Saude (SAMES) kuaze 35%, nee husi numeru ekivalente nee hamutuk.

“Konaba situasaun ita nia aimoruk nee seidauk iha mudansa signifikativu, relatoriu sira antes kompara ho agora nee ita nia stok mamuk iha SAMES, nee nafatin iha 35%, nee hatudu katak iha 156 item neebe mak ita kontinua laiha,” lia hirak nee hatoo husi Diretor Ezekutivu SAMES, Santana Martins, informa ba jornalista iha armajen Sames Kampu Alor, Dili, Segunda nee (25/07/2022).

Nia dehan, item sira neebe mak disponivel iha Sames nee 65%.

Depois esforsu ba oin nee, Sames konvida diretor sira hotu husi munisipiu nee mai para bele avansa ho projetu ida bolu dehan prosesu prekualifikasaun, ida nee mak esforsu neebe halo.

Iha fatin ketak, Ministra Saude, Odete Maria Freitas Belo informa, stok aimoruk neebe oras nee daudaun iha Servisu Autonomu Medikamentu no Ekipamentu Saude (SAMES) menus, tanba ho orsamentu mak la sufisiente atu sosa, nee impaktu husi Covid-19 folin aimoruk sae.

“Los duni depois de Covid-19 iha SAMES aimoruk stok menus, primeiru tanba orsamentu ladun sufisiente para atu sosa aimuruk, segundu Ministra Saude halo ona kontratu ho kompanhia sira, maibe haree ba situasaun Covid-19 entaun folin aimoruk mos sae,” katak nia.

Nia dehan, entaun orsamentu neebe uluk aloka atu sosa aimoruk ho baratu maibe la konsege, tanba Covid-19.

(nat)

LEAVE A REPLY

Please enter your comment!
Please enter your name here

NEWS UPDATE

Semana Oin Ekipa Konjunta Sei Buska Kompanhia Neebe Seidauk Selu Arendamentu

DILI, STLNEWS.co - Ministru Justisa, Tiago Amaral Sarmento hatete, iha semana oin ekipa konjunta sei halo buska ba kompanhia sira neebe seidauk selu arendamentu...

Inagura Sede Foun, Maibe Fasilidade Laiha

DILI, STLNEWS.co - Xefi Suku Akadiru Hun, Juvenal da Conceição hatete, nia parte kontenti ba efidisiu foun sede nian neebé inagura ona, maibe fasilidade...

Estabelese Tribunal Supremu, Kompleta Prosedimentu

DILI, STLNEWS.co - Jurista Timor oan konsidera, importante estabelese Tribunal Supremu Justisa atu kompleta prosedimentu prosesual. "Supremu tribunal ba justisa importante tebes, portantu ita presiza...