Aimoruk Ilegal Espalla, Falla Kontrolu Husi Ministeriu Relevante

DILI, STLNEWS.co – Reitor Universidade da Paz (UNPAZ), Adolmando Soares Amaral katak, relasiona ho aimoruk ilegal neebe dadaun nee espalla ona Iha merkadu, signifika instituisaun neebe relevante lahalo kontrolu ho masimu.

“Laiha mekanismu koordenasaun, karik iha maibe lafunsiona iha prosesu implementasaun neebe regular iha Konsellu Administrativu Interministerial hanesan Ministeriu Saude, Ministeriu Interior, Polisia, Imigrasaun, Alfandega, no AIFAESA neebe atu halao servisu iha area ida nee,” dehan Adolmando ba STL, liu husi Telefone, Sesta (11/06/2021).

Nia dehan iha parte seluk hanesan SAMES, instituisaun neebe responsabelidade ba aimoruk presiza share informasaun konaba aimoruk neebe presiza iha Timor Leste, liu Liu ligadu ho fasilidade tratamentu Saude.

“Tenke iha instituisaun ida neebe profesional Iha kontrolu ba aimoruk hodi regulariza tipus aimoruk neebe bele tama, distribui, no faan iha apotik ka uza iha fasilidade tratamentu saude. Labele tau hamutuk iha servisu AIFAESA ninian,” nia sublina.

Nia hatutan, regularmente instituisaun sira nee tenki relata ba Ministeriu Saude hodi hare asuntu juridiku ba politika hodi prevene aimoruk sira neebe labele espalla ilegal iha merkadu.

Parte seguransa PNTL mos tenki tau ona atensaun maximu ba problema nee, no fo treinamentu ba membru polisia hodi hatene identifika kompania ka, individu ka, organizasaun formal ka informal hodi implementa sansaun ba sira neebe produs, distribui, faan, no utilizador sira.

Aleinde nee husi parte saude publika mos presiza desimina informasaun konaba aimoruk sira neebe perigu ba saude publika. Tanba wainhira ema utiliza aimoruk neebe tama ilegal no laiha marka orijinal bele afekta ba saude.

Antes nee, Diretor Diresaun Nasional Farmasia Medikamentu (DNFM), Doutor Alipio Lopes hatete, bandu komunidade sira atu labele sosa aimoruk arbiru, tanba sidadaun balun hatama aimoruk ilegal faan ona iha merkadu

“Durante nee DNFM halo kontrolu ba aimoruk neebe tama iha teritoriu TL, tenke iha autorizasaun no rejistu, liu liu ba aimoruk importador sira, nunee kompania ida-idak rejistu.” dehan nia.

Nunee nia rekonese katak, durante pandemia Covid-19 tama iha TL, DNFM lahalo atividade kontrolu rutina, no kontrolu rutina seidauk iha, maibe parte hotu presiza servisu hamutuk hodi haree konaba asuntu nee.

Nia informa, dala barak mos sira labele kontrolu hotu aspetu sira nee, tanba ho rekursu neebe natoon, liu liu iha fronteira sira, dala ruma ema tama ilegal, nunee sira rekonese katak frakeza balun sei iha, nunee kontrola ba ema irresponsabilidade sira nafatin hatama aimoruk ilegal.

Aleinde nee, antes nee mos Vise Ministru Saude (VMS), Bonificio Mau Coli dos Reis hatete, ba iha komunidade sira neebe kontinua faan aimoruk antibiotiku iha kios sira nee, katak, iha lei bandu ema atu faan antibiotiku sira, se wainhira faan arbiru maka MS sei fo sansaun ida neebe todan.

Nia hatutan, wainhira komunidade hola aimoruk latuir reseita mak sei kria rezistensia ba aimoruk nee rasik. Ida nee fila fali ba iha sidadaun sira, tanba sira laiha konesementu atu utiliza aimoruk tuir dalan.*

Reportajen: Santina Castro
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • Mental Health https://youtu.be/Ow3-hgXPryE Ministério dos Assuntos Parlamentares...

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...
%d bloggers like this: