Aimoruk La Too, Komunidade Buruma Balun La Vasina

BAUCAU, STLNEWS.co – Komunidade iha Suku Buruma antusiasmu tebes atu simu vasina kontra Covid-19, maibe aimoruk la sufisiente, nunee balun deit mak simu vasina no balun seidauk simu.

Kestaun nee hatoo husi Xefe Suku Buruma, Liborio dos Santos Freitas ba jornalista iha nia knaar fatin Sede Suku Buruma, Baucau, Sesta (25/06/2021).

“Komunidade antusiasmu atu simu vasina, maibe aimoruk la too, ida nee mak ami la duun kontente, tanba parte saude informa mai ami atu mobiliza komunidade sira bele partisipa iha vasinasaun, maibe no fim aimoruk sira neebe mak distribui mai Suku Buruma la sufisiente atu komunidade hetan hotu vasina,” dehan nia.

Nia hatutan, populasaun iha Suku Buruma antusiasmu tebes hakarak simu vasinasaun ba prevensaun Covid-19 nian, maibe too fin populasaun barak mak labele hetan vasinasaun nee, tanba vasina la too.

Iha fatin hanesan, Responsavel Imunizasaun Munisipiu Baucau, Artimizia Guterres hateten, komunidade barak mak antusiasmu atu simu vasina nee, maibe vasina neebe too iha Munisipiu Baucau limitadu tebes, nunee sei esforsu buka dalan rezolve situasaun nee ho seriu iha tempu badak nia laran.

“Vasina ida nee ita nia komunidade antusiasmu, maibe vasina neebe mai limitadu entaun ami mos kontaktu nafatin ho nasional para buka dalan rezolve situasaun nee ho seriu iha tempo badak,” katak nia.

Nia hatutan, iha Munisipiu Baucau informasaun neebe fo ba Sentru Saude sira no suku sira oportunidade ba liu idozu no sira neebe mak ho moras, maibe maioria joven mak barak partisipa iha vasina nee.*

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: