DILI, STLNEWS.co – Ministeriu Saude liu husi Dirasaun Nasional Farmasia no Medikamentu (DNFM) rekolha Aimoruk xarope hahu husi tinan 2022 too mai horiseik hamutuk item 6.
Kestaun nee hatoo husi Diretor Nasional Farmasia no Medikamentu iha Ministeriu Saude, Delfim Fereirra informa, atu koalia konaba xarope sira neebe mak durante DNFM rejista too mai horiseik, aumenta ho tinan 2022 nian.
“Ita iha item 6 mak hanesan unibebi syrup, ita hetan ona 6.777, depois iha termorex syrup nee ita iha 307, ita iha mos antasida syrupsyrup ita iha 15, 234, depois parcetamol strawbery syrup ita iha 1.722, depois ibu profen syrup ita iha 36,225, depois parcetamol rasa jeruk 221 neebe mak ita kontinua identifikasaun,” dehan nia ba jornalista iha Caikoli, sesta (28/04/2023).
Nia dehan, tanba fatin iha SAMES limitadu, entaun agora item balun rai hela iha SAMES no balun konserva iha sira nia fatin, neebe iha fulan oin halo prosesu destroisaun.
“Orsamentu ami husu ona no aprova ona, ita hein iha fulan oin hodi halo destroisaun,” tenik nia.
Nia haktuir, xarope sira nee rekolha husi munispiu hotu, maibe iha munisipiu balun iha xarope no balun laiha duni, maibe husi nia fontes nee husi inportador farmasia no iha merkadu tradisional ho SAMES rasik, rua nee mak ita hetan fontes prinsipal husi xarope sira nee.
(nat)
