Akademista Konsidera Vasina Laos Obrigatoriu

DILI, STLNEWS.co – Observasaun Akademista husi Universidade Dili (UNDIL), Vise Reitor III Hugo Lourenço da Costa hatete, vasina laos obrigatoriu, tanba ema nia isin nee direitu humana ema ida rasik.

“Laiha nasaun ida mak iha mundu nee obriga sidadaun atu vasina, tanba vasina nee voluntariu, husi ema idak-idak, so iha Timor mak vasina nee obrigatoriu, nee ida viola direitus humanus, se bainhira ita obriga ema ida atu vasina, se ema ida sente katak nia hakarak i presiza vasina tenki hetan vasina, maibe iha mos ema balun kuandu lakoi vasina labele obriga. Tanba ema nia isin nee direitu humana ema ida rasik, tanba nee mak hau dehan vasina nee los, maibe laos obrigatoriu,” hatete Akademista Hugo Lourenço da Costa ba STL liu husi telefone, Sabadu (05/06/2021).

Nia hatutan, kolabora ho mediku sira laos signifika atu obriga ema vasina, tanba vasina nee tuir ema idak-idak nia hakarak no konsensia instituisaun koopera no loke odamatan ba saude, maibe konforme ema.

“Se hakarak vasina ba vasina, ita la obriga ema atu vasina nee lalos, akademiku estuda no hanorin ema atu respeita ema nia direitu ba saude, tanba nee saude iha ema ida nia liman rasik, laos iha ema seluk nia liman, nee direitu fundamental neebe hatur iha konstituisaun, ema hotu-hotu voluntariamente hakarak vasina ba vasina, laos obriga ema vasina, hau fiar katak mediku sira hatene buat hirak nee, “nia tenik.

Nia akresenta, obriga nee viola direitus humanus, viola lei inan, neebe garante ema ida atu moris livre, laos vasina mak halo livre. No saida mak PM koalia nee lei, tanba liafuan ida sai ona lei bainhira hakerek ona, nee mak foin sai baze legal, PM nia lia fuan nee atu fanu deit povu atu bele vasina, maibe laobriga ema atu vasina, tanba PM no nudar pessoal neebe mak respeita i tane as ema nia direitu ba korpus humanus tuir KRDTL.

Iha fatin seluk, antes nee Ministru Ensinu Superior Siensia no Kultura (MESSK), Longuinhos dos Santos hatete, seidauk reativa prosesu prezensial tanba sei implementa SS no KO iha munisipiu Dili.

“Tanba nee ninia importansia atu reativa atividade letivas nee mak sidadaun hotu-hotu, liu-liu sidadaun akademika sira bele halo ona vasinasaun para iha posibilidade atu bele reativa atividade letivas prezensial.” dehan nia.

Governante nee husu ba akademista sira hotu, liu-liu dosente no estudante sira atu bele kolabora hamutuk ho profisional mediku saude nian, atu bele halo vasinasaun, nunee livre husi situasaun ida nee.*

Reportajen: Blandina Mauno
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: