Alola Rekolha Kazu Kankru Susun Ganas 20

DILI, STLNEWS.co – Durante tinan 2014, Fundasaun Alola liu husi Programa Haliku rekolha kazu kankru susun hamutuk 181, pasiente sira nee mai ho problema iha susun, husi numeru kazu konfirmadu ganas nee nain 20.

“Pasiente nain 181 nee, sira neebe mak rejultadu konfirmadu pozitivu ba kankru susun ganas nee iha 20 pasiente, husi numeru nee iha nain 12 mak mate, tanba maioria sira mai ho kazu avansadu, ka stadium avansadu ona,” lia hirak nee hatoo husi Diretora  Ezekutiva Fundasaun Alola, Maria Imaculada Guterres ba jornalista sira iha Fundasaun Alola, Sesta nee (19/05/2023).

Nia dehan, observasaun neebe mak Fundasaun Alola haree iha pasiente sira nee, pasiente sira nee ba uluk tiha ona halo tratamentu tradisional, neebe mak fo tiha tempu naruk ona, duke sira desidi ba iha fasilidade saude neebe iha, hodi halo detesaun sedu ba iha sira nia moras nee.

“Entaun too fali kontaktu ami, dalam ruma ami too ba nee komesa hatudu sinal grave ona, balun iha kanek nakloke daudaun ona no bubu, entaun ami kontaktu mediku sira, lori sira too iha hospital, maibe barak liu nee ba ona iha stadium avansadu,” katak nia.

Nia afirma, entaun dala barak liu doutor sira labele salva, tanba situasaun ka fasilidade sira seidauk avansadu hanesan ho rai sira seluk, entaun barak liu ita nia pasiente sira labele salva, tanba mediku sira foti liman too ikus mai mate, dadus nee liu husi Alola mak relata ona nee.

Pasiente sira nee mos dala barak Alola akompanha no hola mos aimoruk balun ba sira, bazeia ba reseita mediku sira fo iha hospital, maibe tanba sira nia kasus grave liu ona entaun sira mate duni ba moras kankru susun.

Husi 181 nee nain 20 mak kankru susun ganas, maibe sira seluk nee ho deit kista ho tumor biasa, no alerjia ruma no ho moras seluk.

Nia haktuir, asistensia ba inan sira neebe mak sofre kankru mama, durante nee haliku apoiu, durante nee Fundasaun Alola liu husi ami nia programa haliku, hau hili atu kura, kontinua apoiu pasiente sira no feto maluk sira neebe mak sofre kankru susun nomos serviks kankru.

“Iha pasiente neebe mak mai ho kankru susun nian, ami hahu husi tinan 2014 too mai iha fulan Marsu tinan ida nee, pasiente hamutuk 181, pasiente sira nee mai ho komplain ka problema iha sira nia susun,” dehan nia.

(nat)

LEAVE A REPLY

Please enter your comment!
Please enter your name here