Amu Roque Husu Sarani Kumpre Protokolu MS

DILI, STLNEWS.co – Amu Parokia Igreja Maria Auxiliadora Comoro, João Roque, husu ba sarani sira bainhira tuir selebrasaun misa atu nafatin kumpre regras Ministeru Saude (MS) nian, atu nunee bele prevene hadaet husi virus Covid-19 ho variante delta ba ema seluk.

“Hau husu ba sarani sira mai tuir selebrasaun misa, atu nafatin kumpre regras MS nian hanesan, uza maskra, fase liman, no tuur ho distansiamentu fiziku,” dehan Amu Parokiu João Roque, iha Igreja Maria Auxiliadora Comoro, Domingo (12/09/2021).

Amu Roque afirma kona ba orariu oras selebrasaun misa iha loron Domingo nian iha igreja Maria Auxiliadora Comoro, neebe misa dala 5 maka dadersan hahu primeiru misa tuku 6:15, segundu misa tuku 7:30, tuir terseira misa tuku 9:00, i kuatru misa tuku 10:30, depois lorokraik misa tuku 5:30.

Tuir observasaun jornalista STL iha terenu katak, sarani sira neebe mai partisipa selebrasaun misa iha igreja nee, hotu-hotu nafatin kumpre regras Ministeriu Saude ho Organizasaun Mundial Saude hodi prevene aan husi Covid-19 ho variante foun neebe agora afeta ona TL.

Durante iha selebrasaun misa, sarani hotu-hotu uza maskra, i tuur iha kadeira parte igreja laran no liur tuir estiker distansia fiziku neebe taka ona, kadeira ida ema nain 2 maka tuur.

Nunee mos bainhira too simu kominaun sarani sira forma hodi distanisa tuir estiker neebe taka ona iha keramik, i simu kominaun ho sarani sira nia liman.

Nomos bainhira remata misa, sarani sira ba bensa estatua Maria Auxiliadora antes sai husi igreja, maibe nafatin kumpre regras hanesan sarani sira nia liman la tau too iha estatua.*

Reportajen: Domingas Soares
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: