Aniceto Enkoraja Sidadaun Simu Vasina

DILI, STLNEWS.co – Prezidente Parlamentu Nasional (PPN) Aniceto Guterres enkoraja sidadaun hotu atu partisipa iha vasina iha primeira no segunda doze, nunee bele halo sirkulasaun normal.

Informa Prezidente Parlamentu Nasional (PPN) Aniceto Guterres katak, vasina nee, programa nasional nian, primeira halo lansamentu, depois 30 mil resin pakote ba primeira doze hotu ona, agora tama ba segunda doze ho primeira doze ba sira neebe seidauk hetan vasina. Estadu agora iha mais de 100 mil AstraZeneca i agora tama dadauk ona Sinovac, i sei tama barak liu tan Sinovac nian.

“Ita enkoraza ema hotu atu partisipa ba programa simu vasina. Ida nee laos atu ba interesse saude públika deit, maibe interese hodi proteje sidadaun ida-idak nia saúde, hodi hametin imunidade para, atu ita bele Kontrola covid. Karik vasina hotu ona, haree governu mos deklara ona katak, kuandu vasina segunda doze too 14 dias ona, bele sirkula livre,” informa PPN ba jornalista, Sesta (18/06/2021) iha PN.

Nia dehan, mezmu iha situasaun Estadu Emerjensia (EE) ka serka sanitária (SS) iha rai laran, ate ba rai liur mos ema permite kuandu kompleta ona vasina segundu doze.

Tanba nee hanesan dalan ida, neneik sei fila ba situasaun normal, atu labele afeta ba moris lor-oron nian.

“Meza PN simu hotu ona, agora ba depuatadu sira, ho funsionariu, i ba deputadu sira nee tuir konsensia ida-idak, maibe funsionariu PN hau deside katak nee obrigatóriu, kuandu lavasina sira labele tama iha resintu PN”, tenik Aniceto.

PPN afirma, karik vasina kompleta hotu ona, nee atividade fiskalizasaun nee bele lao normal, tanba hanesan estadu vida presiza sirkulasaun normal fali, maibe klaru katak lao tuir nafatin regras OMS nian.*

Reportajen: Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: