Aselera Vasinasaun, Baucau Sei Hasai Maskara

BAUCAU, STLNEWS.co – Iha fulan Outobru pesoal saude no autoridade lokal sira esforsu, hodi aselera vasinasaun ba populasaun iha Munisipiu Baucau, to’o tarjetu numeru neebe iha, serteza iha fulan nee populasaun Baucau sei hasai maskara.

Kestaun nee hato’o husi Presidente Autoridade Munisipiu Baucau, Olivio Freitas liu husi nia diskursu iha salaun Sentru Konvensaun Baucau (CCB – sigla portugues) Segunda nee (04/10/2021).

“Iha fulan Outobru nia laran ita bele hasai maskara, kuandu ita hotu esforsu,” dehan PAM Baucau.

Nia hatutan, antes nee mos Vise Ministru Komérsiu Turizmu no Indústria (MTCI) hatete, dadaun nee Inglatera hasai ona maskara, tanba sidadaun husi rai refere, hotu – hotu simu ona vasina doze daruak.

Husi nee hanesan fo inspirasaun ba Prezidente Autoridade to’o iha lider komunitaria sira, tenke hola medidas adekuadus fo vasina ba komunidade sira, nunee bele tama fila fali ba situasaun normalizasaun aktividades hotu – hotu bele lao hikas normal fali.

Iha fatin hanesan, Diretor Servisu Saude Baucau Domingos Reinaldo da Costa Ornai hatete, durante vasinasaun lao iha Munisipiu Baucau, pesoal saude sira mos hasoru difikuldade balun, tanba iha organizasaun balun neebe mak lakohi kontribui iha vasinasaun nee rasik.

Diretor nee rekonese, dala ruma husi organizasaun neebe mak lakohi kontribui iha vasinasaun nee, hanesan Servisu Saude Baucau nia motivasaun mak la to’o, tan nee prezensa ministeiru nain haat nian bele rezolve, no fo konsiensia ba sira atu partisipa iha vasinasaun nee rasik.*

Reportajen: Tomas Reis

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...