DILI, STLNEWS.co – Relasiona ho levantamentu publiku konaba atendimentu saude iha hospital ba pasiente sira, barak liu mai husi komportamentu.
“Hau haree husi parte levantamentu publiku konaba atendimentu barak liu ho satisfasaun husi pasiente, no familia husi pasiente fo implikasaun ba komentariu publiku konaba atendimentu saude iha fasilidade saude, hanesan hospital no sentru da saude sira,” lia hirak nee hatoo husi Dekanu Fakuldade Saude Publika Universidade da Paz ( UNPAZ), Matinus Nahak, ba STL liu husi telefone, Kinta nee (21/07/2022).
Nia hatutan, fatores barak halo pasiente no familia ladun satisfas, hanesan komportamentu pesoal saude fo atendimentu barak liu konaba atitude neebe pesoal saude enfrenta iha ninia servisu fatin.
Aleinde nee mos Ministra Saude, Odete Maria Freitas Belo informa, kualidade iha hospital los duni.
“Tanba bainhira ami moras nee fo konfiansa tomak ba mediku sira no Ministeriu Saude mos, maibe ita haree mos konaba etika no oinsa mak bele koopera ba malu, no ita nia pasiente sira mos hein deit aimoruk, maibe sira mos hakarak haree ita nia komunikasaun atu nunee lori sira ba diak,” haktuir nia.
Nia hatutan, etika nee importante tebes ba mediku sira no pasiente sira.
(nat)
