Australia Apoiu Médiku Espesialista Nain 8 Kombate Covid-19 Iha TL

DILI, STLNEWS.co – Governu Austrália apoiu mediku espesialista nain 8, kompostu husi mane 4 no feto 4  hodi kombate Covid-19 iha Timor Leste.

Embaixadór Australia Petter Roberts hatete, médiku na’in 8 ne’e espesiálista iha área Covid-19 nian ne’ebé kompostu husi médiku emerjénsia na’in 2, enfermeiru na’in 2, paramediku na’in 1, pesoal servisu iha área lojístiku nain ida, inklui oksijéniu nain ida, nomós epidimolójista 1.

“Ha’u kontente tebes bele mai iha ne’e ohin, atu fó bemvindu ba ekipa médiku emerjénsia husi Australia. Ne’e hanesan ekipa Ozmats. Ekipa ohin ne’e mai na’in ualu (8) mak mai Timor Leste atu servisu hamutuk, atu fó suporta ba ekipa médiku Timoroan sira iha Vera Cruz no HNGV, entaun nee bele responde ba TL nia nesesidade,” haktuir Embaixador Austrália ba Timor Leste, Petter Roberts iha Salaun Konferensia Aeraportu Internasional Prizedente Nicolao Lobato Comoro, Díli, Kuarta (08/09/2021).

Embaixador nee dehan, apoiu neebe Austrália fó nuudár solidariedade ida husi Governu Australia nian, tanba Australia hakarak servisu hamutuk ho Timor Leste iha situasaun saida de’it.

Iha fatin hanesan Diretóra Jerál Servisu Prestasaun Saúde, Odete Viegas lori governu nia naran liu husi Ministériu Saúde (MS) hatoo agradese ba Governu Austrália, tanba haruka ona sira nia médiku nain 8 ne’ebé espesiálista iha moras Covid-19 hodi apoia tan médiku Timoroan sira, nune’e bele halo redusaun ba virus ne’e iha TL.

Odete hatutan, ho prezensa médiku espesiálista na’in 8 ne’e, espera bele ajuda médiku Timoroan sira neebé mak dadaun ne’e servisu halo esforsu makaas, atu haree ita nia pasiente sira Covid-19 ne’ebé loron ba loron aumenta gravidade.

“Ami labele servisu mesak, maibe ami presiza nafatin tulun husi ita boot sira atu bele haforsa liu tan ekipa médiku ne’ebé mak eziste ona, ho ita boot sira nia prezensa ita bele halo diferensa ruma,” dehan Odete.

Ni afirma liutan, tuir planu médiku espesiálista ba moras Covid-19 hamutuk na’in 8 nee, sei hela iha Timor durante loron 28 ajuda Mediku Timoroan sira, responde ba moras Covid-19 iha Timor-Leste.

Entretantu antes nee, iha fulan Maiu tinan 2021 Governu Austrália apoiu ona vasina Covid-19 ho tipu AstraZeneca 20 mill Dozes ba Timor Leste.*

Reportajen: Donaciano Magalhaes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...