Australia Apoiu Oksijenu Silindro 84 Ba TL

DILI, STLNEWS.co – Relasiona ho pandemia Covid-19 neebe numeru loron ba loron aumenta, tanba nee governu liu husi Ministeriu Saude ho Servisu Autonomu Medikamentus Ekipamentus Saude (SAMES) halo kooperasaun diak ho parseiru hotu-hotu, nunee governu Australia liu husi AUSAID neebe apoiu ona oksijenu silindro ba Timor Leste liu husi SAMES hamutuk 84.

Hatete Diretor Provizionamentu SAMES, Fransisco Borges ba jornalista sira iha nia knaar fatin, Kuarta (26/05/2021).

“Governu Australia apoiu 84 silindro neebe prontu ona, agora ita organiza hela para tenke rejista hela ba padrimonia estadu,” hatete Fransisco.

Nia dehan, tanba nee SAMES estabelese kontratu hela ho fornesedor kompania lokal nebee mak atu fornese oksijenu, para atu haree ona silindro sira neebe pereparadu bele halo refill para kualker tempu presiza bele lori ba hodi uza.

Nia informa, semana ida nee SAMES sei simu tan silindro ho nia flow meter hotu, ida nee mos sei organiza para atu koloka ba iha fatin izolamentu sira nebee estabelese tiha ona.

Iha fatin ketak, Koordenador Ekipa Mediku iha sala izolamentu Vera Cruz, Doutor Flavio Brandão informa, agora dadaun utilizasaun ba oksijenu nee aumenta makaas tebes, liu-liu sala izolamentu, tanba pasiente ida mak uza ventilador nee nia utilizasaun nee boot teb-tebes.

“Hau atu dehan deit purezemplu pasiente ida mak uza ventilador nee tenke uza silindro ida 40 litrus, nee ita uza deit ba oras tolu, tanba nee ita presiza tebes, pasiente neebe ita halo multiplikasaun simples nee purezemplu pasiente ida uza ventilador kada oras tolu – tolu nian hetan 40 litrus silindro, tanba implika ba 24 oras,” nia dehan.*

Reportajen: Jeniche da Costa
Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: