Autoridade Lokal Colmera Halo Ona Sosializasaun Ba Komunidade Hodi Swab

DILI, STLNEWS.co – Autoridade lokal Suku Colmera halo sosializasaun ba komunidade sira hodi tuir teste swab, hodi prevene aan husi moras Covid- 19.

Tuir Xefe Suku Colmera, Armeino Aleixo da Silva hatete, autoridade lokal hotu hotu iha Dili laran nee, simu ona orientasaun husi Saude DNA hodi halo sosializasaun ba komunidade hodi tuir teste swab.

“Ami ida idak halo ona iha loron rua liu ba nee, obriga dever moral ami nian nuudar autoridade lokal, kumpre ami ba hatoo informasaun ba komunidade katak loron hanesan nee ita hotu tenke marka prezensa, atu kolabora ho saude hodi tuir teste para prevene moras Covid-19,” tenik Xefe Suku Colmera, Armeino Aleixo da Silva, ba STL iha Sede Suku Colmera, Sesta (07/05/2021).

Antes nee Portavoz Komando Jeral PNTL Superintendente Xefe Arnaldo de Araujo hatete, PNTL sei apoiu Ministeriu Saude hodi halo swab ba komunidade sira hodi prevene aan husi surtu Covid-19.

“PNTL sei apoiu tomak Ministeriu Saude hodi halao swab nee ba komunidade tomak, laos deit iha fatin check point, maibe Ministeriu Saude atu halao swab iha bairru-bairru nee PNTL sei asegura nafatin ba Ministeriu Saude, PNTL halao servisu hamutuk ho ministeriu saude halo swab,” tenik Arnaldo.

Nia dehan, komunidade sira neebe la kumpre konfinamentu domisiliariu jeral, sira neebe mak tama liu iha lina neebe PNTL sira halo hela check point, entaun obriga sira para tama iha fatin neebe PNTL sira prepara ona hamutuk ho Ministeriu Saude hodi halo swab,” dehan komandante nee.

Reportajen: Maria Tavares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: