DILI, STLNEWS.co – Bele kria infraestutura kiik oan sira, maibe bee nafatin sai problema iha fasilidade saude.
“Ita presiza halo asesmentu ida diak liu tan, para fasilidade saude sira neebe mak ita hadia karik tenki presiza bee, para ita nia populasaun sira bele utiliza,” dehan Visi Ministru Fortalesementu Institusional Saude, Jose dos Reis Magno ba jornalista sira iha Salaun Palasiu da Sinzas, Kaikoli, Kinta (09/11/2023).
Nia afirma, problema ida mak nee, fasilidade saude sira maioria iha foho leten hotu, maibe bee nee iha fali kraik, entaun sai problema halo kanalizasaun ba iha fasilidade saude sira.
Nia afirma, karik bee matan dook husi fasilidade saude, entaun tenki koordena ho BTL.EP para bele haree asuntu nee, tanba nee mak problema saude nian atu rezolve nee laos saude mesak, maibe presiza ministeriu relevante sira nia servisu hamutuk, bainhira Ministeriu Saude atu dezempena diak nee, setor sira seluk tenki dezempena diak.
Kontinua ba pajina 2
“Konaba suplay bee nee BTL.EP nia parte, maibe servisu hamutuk ho Ministeriu Saude para ita bele haree hamutuk,” katak nia.
Reprezentante UNICEF iha Timor-Leste, Bilal Aurang Zeb Durrani informa, programa ida nee mos liga ho lakuna kritiku sira iha bee no saneamentu.
“Neebe sai hanesan problema perennial neebe hasoru iha Sentru Saude Komunitaria. Ami kontenti tebes, tanba too faze ida nee nia rohan, servisu bee, ijiene no saneamentu (BESI) melhoradu ona iha sentru saude komunitaria hotu-hotu iha munisipiu 10. Ida nee hadia tebes kualidade servisu saude hotu-hotu neebe fornese husi Sentru Saude sira,” hatete nia.
(nat)
