Bendita: Lasimu Vasina, Maibe Teste Swab Negativu

DILI, STLNEWS.co – Deputadu/a sira husi bankada CNRT iha Parlamentu Nasional (PN) lasimu vasina, maibe bainhira tuir teste swab, sira nia rezultadu hatudu negativu.

Tuir Deputada Bankada CNRT, Bendita Magno katak, hakarak atu dehan se mak atu vasina ba, maibe lakohi nee direitu, tanba iha lei mos hatete, labele obriga. Tanba ema ida nia imunidade, nain mak sente laos ema seluk mak sente.

“Vasina nee ita labele obriga ema, hau hakarak ba ka lae, nee direitu hau nian. Mezmu la vasina maibe ami tuir swab, neebe hau teste swab dala rua ona, rezultadu negativu, nunee mos kolega deputadu/a sira hotu husi bankada CNRT swab rezultadu negativu hotu,” katak Bendita ba jornalista, Tersa (11/05/2021) iha PN.

Nia hatete, sira deputadu bankada CNRT ba swab hotu, mezmu la vasina, i husi rezultadu swab sira deputadu bankada CNRT laiha ida mak rezultadu pozitivu.

Nunee mos Vise Bankada CNRT, Patrocino Fernandes hatete, nia lakohi koalia kona ba vasina, maibe ministra rasik no peritus sira hatete, vasina nee la signifika atu prevene moras Covid-19, tanba nee bankada CNRT iha desizaun rasik katak vasina laos obrigatoriu, neebe sira iha direitu atu deside ba vasina ka lae. *

Reportajen: Guilhermina Franco/Domingas Soares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...
%d bloggers like this: