Bobonaru Oan Nain 44 Tama Karantina Lautem; FM Husu MS Halo Intervensaun

Diretor Ezekutivu Fundasaun Mahein, João Almeida. (Foto: STL/Efizenia da Costa)

DILI, STLNEWS.co – Organizasaun Naun Governamental (ONG), Fundasaun Mahein (FM), neebe tau matan ba iha area defeza no seguransa, husu ba ekipa Ministeriu Saude (MS), klarifika informasaun lolos ba publiku konaba viajen istoria Bobonaro oan nain 44 neebe tama auto karantina obrigatoriu iha Munisipiu Lautem.

Diretor Ezekutivu Fundasaun Mahein (FM), João Almeida hateten, kazu sidadaun Bobonaru oan nain 44 neebe tama auto karantina obrigatoriu iha Munisipiu Lautem, husu ba ekipa MS atu halo teste ba sira hodi klarifika informasaun lolos ba iha publiku.

“Kazu sidadaun Bobonaru oan nain 44 neebe tama auto karantina obrigatoriu iha Lautem, ami husu ba Ministeriu Saude, liu liu ekipa neebe tau matan ba asuntu prevensaun moras Covid-19 atu bele halo verifikasaun ka texte atu bele konfirma hodi fo resposta lolos ba iha publiku,” dehan nia ba jornalista sira iha salaun Fongtil, Caikoli, Kinta (25/02/2021).

Nia dehan, bainhira MS la halo klarifikasaun konaba medidas neebe ekipa MS halo bele mosu estimasaun la diak ba komunidade sira husi rai ketan.

Nia afirma, medidas neebé lalais mak husu ba MS atu haree asuntu ida liu liu konaba sira nia seguransa rasik, tanba asaun nee komandu PNTL Lautem halo ba sidadaun Bobonaru oan nain 44, ida nee importante liga ho medidas prevensaun moras covid-19.*

Reportajen: Claudios de Jesus
Editora: Domingas Gomes

LEAVE A REPLY

Please enter your comment!
Please enter your name here