COVAX Apoiu Vasina 100.800 Doze Ba TL

DILI, STLNEWS.co – Ohin loron Timor-Leste simu vasina Covid-19 100.800 doze husi Vaccine Global Access Facility (COVAX Facility).

Vasina 24.000 doze neebe to’o iha fulan Abril no 100.800 doze neebe too ohin loron hola parte husi total vasina COVID-19, 500.000 doze mak aloka ona husi COVAX Facility ba populasaun Timor Leste pursentu 20 neebe kategoria hanesan grupu prioridade no lina frente.

Hatete Ministra Saude (MS), Odete Maria Freitas Belo husi nia deskursu iha Aeroportu Internasional Prezidente Nicolau Lobato Dili, Tersa (09/06/2021).

“Segunda faze AstraZeneca neebe mai husi COVAX Facility, nee mak ohin ita tur hamutuk iha Aeroportu Internasional Prezidente Nicolau Lobato Dili, atu sai testamunia ba Vasina Covid-19 AstraZeneca ho kuantidade 100.800, ida nee ita konsidera kuantidade neebe boot, ita kontente teb-tebes, tanba ohin TL simu 100.800 doze neebe inklui 24.000 doze,” hatete Odete.

Nia tenik, doasaun vasina husi COVAX Facility haforsa liu tan apoiu sira seluk tan husi governu Australia no Governu Xina, hodi kontribui nafatin ba esforsu neebe governu TL halo hodi luta hasoru Covid-19.

Iha biban nee nia hatoo agresementu espesial ba ekipa tekniku husi UNICEF nomos OMS neebe sempre halo esforsu hamutuk ho MS hodi asegura katak, vasina husi COVAX bele mai lalais TL. No bele kompleta kobertura vasinasaun ba grupu prioridade no profesional sira neebe iha lina frente.

Entretantu reprezentante UNICEF, Bilal Durrani liu husi diskursu hatete, UNICEF oferese ohin loron mak vaksina uniku boot liu tama mai Timor-Leste (TL), neebe besik liu ba promesa COVAX Facility atu fornese tan vasina 500.000 resin nee mai TL, neebe sai ajuda vasina populasaun aproximadamente 36%, tinan 18 ba leten.

Nia dehan, primeira vez, pais nee desvia vasina sira nee aloka husi COVAX Facility ba povu TL, tanba nee agradesementu ba Governu Nova Zelandia, lidera husi Embaixador Phillip Hewitt, aloka vasina AstraZeneca nee mai TL.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: