Covid-19, Komunidade Tauk Ba Konsulta

DILI, STLNEWS.co – Durante governu aplika serka sanitaria (SS), komunidade sira barak tauk ba konsulta iha fasilidade saude sira, tanba sira menus informasaun konaba surtu Covid-19 neebe oras nee Timor Leste infrenta.

Liafuan nee informa husi Xefe Serelau Postu Administrativu Lautem, Munisipiu Lautem, Deonisio da Costa ba STL liu husi telfone, Segunda (24/05/2021).

Nia esplika, komunidade tauk tanba hanoin ba fasilidade saude tenke halo swab teste, no wainhira swab positivu Covid-19 ona, tanba nee sira moras kaman hela deit iha uma.

“Ita haree agora komunidade sira neebe ba fasilidade saude maka inan isin rua no bebe sira neebe atu hetan vasina, komunidade baibain ita haree menus, menus la signifika sira la moras, maibe sira tauk,” nia esplika.

Iha fatin seluk Diretur Ezekutivu Servisu Autonom Medikamentu no Ekipamentu Saude (SAMES), Santana Martins dehan, observasaun katak atendimentu iha fasilidade saude sira ladun lao ho diak, tanba fasilidade sira la halo pedidu ba medikamentu hanesan iha situasaun normal.

“Preokupasaun neebe ami sente agora maka konsumu ba iha medikamentu, liu-liu ai-moruk sira ladun movimentu, nomos ami koko halo komunikasaun ho fasilidade saude sira, maibe informasaun neebe ami simu katak ho isu Covid-19 ema tauk ba halo tratamentu,” nia hatutan.

SAMES preokupa tanba movimentu ai-moruk menus sei kontribui ba kuantidade ai-moruk expire aas.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: