DILI, STLNEWS.co – Cruz Vermelha de Timor Leste (CVTL) Selebra loron mundial ho tema “Laran Luak No Iha Poder Atu Tulun Ema Sira Tuir Nesesidade”.
“Agora liu ona ba tinan 100 resin, neebe mundu halo tuir nia istoria sira neebe mak nia halao kontinua nafatin atividade no tuir nesesidade, nee duni tema ida agora nee katak, ho laran luak ita iha poder para atu tulun ema, no atu bele ajuda ema seluk,” lia hirak nee hatoo husi Prezidente CVTL, Madalena Hajam ba jornalista sira iha Formoza, Sesta nee (13/05/2022).
Nia hatutan, CVTL tulun ema lalika hein fali planu, maibe situasaun neebe mak urjente nee sira tuir kedas, nee duni CVTL nia lalaok iha funu laran, iha konflitu, i nunee mos iha situasaun neebe normal nia mai liu ba iha antisipasaun hodi halo prevensaun, maibe kuandu iha akontesimentu ruma nia ba kedas resposta no solusaun neebe mak halao.
Nia haktuir, ida nee CVTL halao ho voluntariu, laos ema neebe servisu mak halao servisu ida nee lae, nee voluntariu sira mak halao, i ita nee iha dois mil voluntariu, sira nee halao servisu iha fatin sira hotu. Agora ba voluntariu sira CVTL servisu makaas atu fo protesaun, protesaun nee katak, sira mai iha transporte para tula sira, iha hahan sira han no hemu, depois sira fila fali ba sira nia fatin ho hakmatek, kualker ema ida bele sai voluntariu ba CVTL .
Selebrasaun nee halao mos iha munisipiu hotu-hotu iha nia prezidente, neebe prezidente hotu hatene ona tempu ida nee, entaun sira mos halo atividade ruma i sira mos halo sira nia selebrasaun.
“CVTL nee ninia atividade nee lao hela deit, tulun ema mukit sira, ezemplu iha Dili ema sira neebe mak uluk bee tama iha nia uma nee seidauk fila ba nia uma, sira neebe mak uma seidauk iha nee balu sei iha tibar no fatin sira seluk.
Entaun CVTL nafatin tau matan ho hahan neebe mak iha fo tulun nafatin, no ema neebe mak susar CVTL ajuda nafatin,” tenik nia.
(nat)
