Dengue Kontinua Sae, Autoridade Lokal Ho Komunidade Halao Limpeza

DILI, STLNEWS.co – Kazu dengue neebe mak agora dadauk kontinua sae no hamate ona ema barak, autoridade lokal ho komunidade sira iha loron Sesta liu ba (15/04/2022) halo limpeza jeral iha idak-idak nia aldeia para bele reduz moras dengue.

“Relasiona ho kazu dengue neebe kontinua sae no hamate ema barak, entaun iha loron Sesta nee hau fo orden ba xefe aldeia hotu-hotu, neebe diriji komunidade sira halo limpeza jeral iha ninian aldeia no bairu rasik, hodi bele kombate moras dengue,” lia hirak nee hatoo husi Xefe Suku Bekora, Antonio da Silva Soares ba STL iha Bekora, Segunda (18/04/2022).

Nia haktuir, neebe iha loron Sesta sempre iha limpeza jeral¸ ho limpeza jeral nee mak too ohin loron iha suku Bekora nee iha labarik ida deit mak mate, maibe too agora laiha labarik ida mak mate tan.

Iha fatin ketak Xefe Suku Kuluhun, Deus Dado Martins, informa iha suku Kuluhun nee rasik autoridade lokal ho komunidade sira sempre servisu hamutuk hodi halo servisu saida deit.

“Neebe kona ba kazu dengue neebe mak kontinua sae makaas nee, iha suku nee rasik ami ho ami nia komunidade sira servisu hamutuk hodi iha loron Sesta nee hotu-hotu tuun ba bairru no aldeia sira nebee mak identifika hanesan lina mean nee, hodi halo limpeza jeral para bele reduzkazu dengue nee iha komunidade sira nia leet,” katak nia.

Nia hatutan, komunidade sira sempre koopera ho autoridade lokal sira hodi halo limpeza, objetivu ba limpeza nee atu reduz moras dengue nee, tanba agora nee tempu udan entaun tenke halo limpeza se lae susuk nee kontinua barak bebeik, neebe liu husi limpeza nee bele hamenus netik susuk nia tolun nee.

(nat)

LEAVE A REPLY

Please enter your comment!
Please enter your name here

NEWS UPDATE

Numeru Konflitu Tuun Makaas Dezde Governu Desidi Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak hateten, dezde governu desidi reativa atividade Grupu Arte Marsiais no Arte Ritual, numeru konflitu iha...

Taur Apresia Esforsu SEJD-KRAM Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak agradese esforsu Sekretariu Estadu Juventude no Desportu (SEJD) no Prezidente Komisaun Reguladora Arte Marsias (KRAM ), neebe...

Sasin La Iha Konhesimentu Kazu Konstrusaun Armajen Foos

DILI, STLNEWS.co - Kazu konstrusaun armajen foos, Tribunal Distrital Dili kontinua rona sasin. Tanba nee, iha julgamentu kontinuasaun nee, tribunal rona sasin ho inisial MC neebe...