DILI, STLNEWS.co – Relasiona ho loron mundial enfermajen, Hospital Nasional Guido Valadares (HNGV) liu husi departamentu emerjensia aprezenta topiku konaba stemi.
“Ami foti stemi nee moras kurasaun nian neebe mak bele afeta, no mos fo komplikasaun barak mai ita, entaun ho ida nee bele hamate ema ho tempu neebe badak. Ho ida nee mak ami foti desizaun katak, iha emerjensia nee foti fokus ba stemi, tanba kazu neebe mak barak mai iha emerjensia dala ruma ita labele salva,” lia hirak nee hatoo husi Xefi Unidade Klinikal Emerjensia iha HNGV, Luciana Celeste Amaral ba jornalista sira iha HNGV, Tersa nee (10/05/2022).
Nia hatutan, depois tuir teoria neebe mak iha katak, moras stemi nee bele hamate ema iha minutu 15 no minutu 20.
“Neebe hau hakarak hatete, kazu ida nee mak ita sei lori ba iha aprezentasaun hodi nunee bele hatene didiak oinsa atendimentu ba kazu ida nee, atu haree didiak, ho situasaun neebe mak realidade iha ita nia nasaun,” tenik nia.
Nia afirma, husi parte enfermajen nian oinsa haree atu halo prosesu enfermajen ba iha kazu neebe mak ohin aprezenta stemi anteriosepta.
(eme)
