DILI, STLNEWS.co – Bankada CNRT iha uma fukun Parlamentu Nasional (PN) preokupa ho dividas Ministeriu Saude nian neebe too agora la rezolve, Timor Leste nia deve ba hospital Indonezia Jakarata ho Malazia Koala-Lumpur sei aumenta sae.
Deputada Bankada CNRT, Maria Barreto hatete, koalia konaba dividas neebe mak iha Ministeiru Saude nian, iha tinan kotuk husi Komisaun F iha tempu neeba sempre levanta konaba dividas neebe mak Governu TL iha, ho ospital sira iha liur neebe halo kontratu, maibe la rezolve.
Nia dehan, entaun problema dividas neebe iha laos foin mak ohin loron, maibe akontese tinan barak kedas, maski foti beibeik iha parlamentu maibe la rezolve.
“Hau la hatene se dividas nee mak ita la rezolve, sei aumenta barak ba iha deve TL ninian ho hospital sira neebe mak ita halo kontratu iha liur, liu liu Indonezia iha Jekarta, nomos Malazia Kolalumpur iha hospital 2 neebe mak Governu TL halo kontratu,” dehan nia liu husi plenaria iha PN, Tersa (04/07/2023).
Nia hatutan, nunee mos ba problema sosial sira neebe mak iha nee sempre foti beibeik iha tinan kotuk, antes ba eleisaun parlamentar, maibe laiha solusaun ida ba problema neebe foti iha uma fukun nee.
Nunee mos Xefe Bankada KHUNTO, Deputada Olinda Guterres afirma, relasiona ho HNGV sempre foti beibeik problema konaba reajente neebe laiha, mais laiha solusaun.
“Tanba ita haree pasiente sira neebe moras ba konsulta iha HNGV ninia numeiru aumenta ba beibeik, maibe buat ida reajente laiha nee labele halo buat ida, maski doutor espesialista sira iha mos labele halo buat ida,” dehan nia.
Nia sublina, esperansa ba IX Governu neebe lidera husi Primeiru Ministru Xanana Gusmao sei rezolve no hatene saida mak povu nia hakarak, hodi fo saolusaun ba preokupasaun povu sira nian.
(dom)
