Dosentes 40 Simu Ona Vasina

DILI, STLNEWS.co – Dosentes Universidade Nasional Timor Lorosae (UNTL), husi Fakuldade Siensia Sosiais hamutuk 70, maibe kuaze nain 37 ou 40 simu ona vasina.

Dekanu Fakuldade Siensia Sosiais UNTL, Camilio Ximenes Almeida hatete, kona ba vasina kada dosente sira nee barak mak la tuir, tanba laiha informasaun neebe klaru ba sira.

“Iha ami nia fakuldade entre 70 nee besik ona 37 ka besik 40 mak vasina ona, maibe dosentes balun neebe seidauk, hau sempre koalia ho sira, no sira atu ba vaksin iha klinika sira nee ona. Klaru se ita hotu hakarak hapara ka hamate Covid nee solusaun uniku mak vasina, nunee ba estudante no aman inan sira hakbesik postu saude hodi nunee simu vaksin, para bele hahu ita nia atividades hanesan uluk,” dehan Camilio ba STL, liu husi telefone, Tersa (08/06/2021).

Nia dehan, pandemia ida nee bainhira mak bele remata, tanba seidauk hatene los, entaun ema ida-idak dadaun nee sei hakat ba klinika neebe mak besik, hodi ba simu vasina husi parte saude ninia, maske vasina nee la obrigatoriu, maibe depende ba konsiensia ema ida-idak nian atu bele tuir programa vasina ida nee.

Iha parte seluk, Adjuntu Diretor EBC Nobel da Paz, Francisco Fernandes dehan, konaba dadus dadaun professores nain hira mak tuir ona vasina, maibe nia rasik seidauk rekolla dadus, tanba professor sira ba tuir vasina nee laos iha fatin ida deit, iha fatin neebe mak la hanesan, ho ida nee dadus seidauk hatene los.

Nia sublina, kuaze sira nian professor barak mak tuir ona programa vasina nee, tanba atu prevene an husi pandemia surtu Covid-19, ida nee presiza tuir vasina hodi bele hasae imunidade neebe forti hasoru moras ida nee.*

Reportajen: Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: