Dosentes – Estudantes La Vasina, La Autoriza Tuir Atividades

DILI, STLNEWS.co – Universidade da Paz (UNPAZ), sei la autoriza dosentes no estudantes neebe seidauk simu vasina dala rua ba Covid-19, labele partisipa iha aprendizajen no atividades universidade ninia.

Tuir Reitor UNPAZ, Adolmando Soares Amaral dehan, bainhira atu tuir prosesu aprendizajen no atividades universidade, husu dosentes no estudante sira tenke simu vasina kompleta ou dala rua, hafoin sira bele partisipa iha atividades sira nee, se lae universidade sei la autoriza sira atu partisipa iha atividades hirak nee.

“Depois governu hapara ona konfinamentu obrigatoriu no kontinua SS ba loron 7, tanba nee ami mos prepara ona kondisaun para depois ss nee hotu ami bele hahu kedas atividades, maibe tuir kalendariu akademia, atividades ba prosesu aprendizajen ba semester tolu no lima nee, ami sei hahu iha loron 28 Segunda semana oin fulan ida nee, maibe ba sira neebe mak semester 6 no 7, nee sira sei ba iha fatin estajiu nian iha loron 27 fulan nee, tanba nee ami sei hahu atividades sira nee, maibe husu ba estudantes, dosentes no funsionariu sira katak, depois atividades hirak nee reativa ba sira neebe mak partisipa iha atividades hirak nee, nee ema hirak neebe tuir ona vasina dala rua, ema sira nee mak sei mai partisipa iha atividades prosesu aprendizajen, no atividades estajiu nian neebe mak ohin hau mensiona,” dehan Adolmando ba STL iha nia knar fatin, Segunda (21/06/2021).

Adolmando dehan, ba dosentes no estudantes neebe seidauk vasina dala rua, universidade sei la autoriza, liu-liu funsionariu no dosentes, sira sei la asesu ba sira nian salariu i vensimentu, tanba sira atu asesu ba salariu vensimentu, nee sira tenke mai halo atividades.

Nunee mos, Mariana de Jesus Martins, hanesan estudante UNPAZ, fakuldade ekonomia, semester 3 dehan, dadaun nee nia rasik simu ona vasina ba Covid-19, maibe foin dala ida no seidauk kompletu, tanba nee dia 25 agora nia foin vasina kompleta.*

Reportajen: Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: