Ekipa Sei Halo Desinfekta Ba Fatin Risku Covid-19

Parte Polisia hamutuk ho Grupu Movimentu Tasi Mos, Grupu Mama Bolu, sei halo desinfekta ba fatin hirak neebe risku ba Covid-19. (Foto: STL/Claudios de Jesus)

DILI, STLNEWS.co – Parte Polisia hamutuk ho Grupu Movimentu Tasi Mos, Grupu Mama Bolu, sei halo desinfekta ba fatin hirak neebe risku ba Covid-19.

Segundu Komandante Polisia Municipio Dili, Superentendente Asistente Euclides Belo ba jornalista sira, iha Komandu Munisipiu Dili, Caikoli Tersa, (09/03/2021).

Nia dehan, parte Polisia komandu Munisipiu Dili no refosa husi Komandu Jeral nian, hodi bele halo sensibilizasaun koletiva hamutuk ho autoridade Munisipiu Dili, liliu rkipa Task force Munisipiu Dili, ba komunidade sira iha Dili laran.

“Iha biban nee mos husi Movimentu Tasi Mos, Grupu Mama Bolu, neebe maka tinan kotuk ami servisu hamutuk hodi halo desinfekta ba fatin sira nee, ami sei halo esforsu para bele volontariumente sei apoio desinfekta iha fatin balu neebe maka ami identifika katak bele fo perigu,” dehan nia.

Nia hatutan, desinfekta iha fatin balun neebe maka identifika katak nee bele fo perigru liuliu postu sira, klinika sira, nomos fatin sira neebe maka ema halibur barak, no bairu balun, aldeia balun, neebe maka identifika katak detekta ona pasiente balun neebe mak liga ba Covid-19 nian.*

Reportajen: Claudios de Jesus
Editor: Ekipa STL

LEAVE A REPLY

Please enter your comment!
Please enter your name here