Eleva Kapasidade, HNGV Organiza Treinamentu Ba Mediku

DILI, STLNEWS.co Hospital Nasional Guido Valadares (HNGV) organiza treinamentu ida nee, atu eleva kapasidade mediku sira nian iha situasaun Covid-19 ne’e.

Nia dehan, objetivu treinamentu nee hanesan kliniku neebe HNGV mak organiza, atu bele hasae nivel prontidaun fasilidade izolamentu no ICU, ligadu ho tratamentu Covid-19 ninian.

“Hau hanoin katak, treinamentu sira hanesan nee importante tebes, iha situasaun agora atu bele eleva kapasidade ita nia mediku sira nian, tanba situasaun Covid-19 ida ne’e nesesita duni ita nia badaen, ba ita nia mediku sira, atu bele halo tratamentu ho didiak, atu nune’e bele redus mortalidade iha fasilidade izolamentu sira nomos ICU, treinamentu ida nee halao konsentra liuba, atu oinsa halo tratamentu uza oksijeniu,” lia hirak nee hato’o husi Diretor Jeral Servisu Korporativu Ministeriu Saude Marcelo Amaral ba jornalista sira iha HNGV, Segunda nee (27/09/2021).

Nia informa liu tan, liu – liu ba mediku sira ne’ebé mak foun foin rekruta mai, nomos mediku sira ne’ebé mak seidauk tuir treinamentu, inklui mediku espesialista sira, ne’ebé mak agora dadauk servisu iha ne’e, atu nune’e bele eleva sira nia kapasidade klinikus, para bele atende pasiente sira diak liutan.

Iha fatin hanesan, Diretor Klinika HNGV Marcelino Correia dehan, husi treinamentu primeiru, haree ba situasaun ne’ebé mak agora dadauk infrenta hela, liu – liu iha situasaun pandemia ida nee mak ita haree katak, espalla iha ita nia komunidade, numetu kazu mos aumenta beibeik, sira ne’e hotu afeta mai iha rekursu, oinsa atu bele rezolve problema sira ne’e, tanba ne’e mak instituisaun ne’e responsavel mos atu jere rekursu ba iha fatin izolamentu Vera Cruz no Lahane.*

Reportajen: Natalina Lopes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...