Embaixador Australia Aprezenta Ekipa AUSMAT Ba Taur

DILI, STLNEWS.co – Embaixador Australia ba Timor Leste, Peter Roberts, aprezenta Ekipa Asisténsia Médiku Australianu (AUSMAT – Sigla Inglés) hamutuk nain ualu (8) ba Primeiru Ministru Taur Matan Ruak.

Embaixador Peter katak, nia parte ho ekipa  sente orgullu tebes, tanba bele hasoru malu ho Primeiru Ministru hamutuk ho ekipa AUSMAT husi Australia, nee ekipa emerjensia mediku husi Australia atu servisu hamutuk ho ekipa saude Timor Leste nian iha Vera Cruz, Lahane no HNGV, atu luta kontra Covid-19.

“Hau kontente tebes Australia bele servisu hamutuk ho Timor Leste iha tempu difisil hanesan nee, hanesan kolega, hanesan vizinu iha tempu difisil servisu hamutuk, entaun hau kontente bele lori peskiza husi Australia, mediku sira enfremeiru, lojistika, radiolojistika atu servisu hamutuk ho Timor Leste, atu ajuda Timor Leste iha tempu difisil hanesan nee,” dehan Embaixador Peter Roberts hafoin sorumutu ho Xefe Governu iha rezidensia ofisial Farol, Dili, Kuarta horiseik (15/09/2021).

Embaixador nee dehan, governu no povu Australia sempre hamriik hamutuk ho Timor Leste, no daruak importante atu kontinua prosesu vasinasaun, neebe ajuda ona Timor Leste partikularmente iha Dili nia laran.

Nunee mos, Diretora Jeral Prestasaun Servisu Saude iha Ministeriu Saude (MS), Odete da Silva Viegas informa, Australian Medical Assistence Teams (AUSMAT) nain ualu (8) neebe  to’o ona Timor Leste (TL), atu fo apoiu ba pilar 7 iha sala Izolamentu Vera Cruz no Lahane, inklui mos sala Izolamentu Tasi Tolu no munisipiu sira.

“Ita haree ba situasaun ida nee, ita nia profesional saude sira mos numeru komesa sae ba beibeik, preokupasaun neebe mak profesional saude sira tenke halao nafatin, servisu hodi atende ita nia moras sira, tanba iha ekipa neebe bele apoiu tan MS, ida nee diak liu tan atu atende ita nia populasaun sira neebe mak iha kondisaun grave,” dehan Odete.

Nia hatutan, ekipa AUSMAT nee to’o horiseik, ohin komesa atu bele integra ho ekipa Pilar 7 ba iha fatin izolamemtu sira, hanesan izolamentu Lahane no izolamentu Vera Cruz, oinsa atu haree mos ba iha munisipiu sira.*

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...