Emerjensia Rejistu Kazu VD 8

DILI, STLNEWS.co – Iha fulan Maiu tinan nee, sala Emerjensia Hospital Nasional Guido Valadares (HNGV) rezistu kazu violensia domestika (VD) nain 8.

Kestaun nee hatoo husi Xefe Gabinete Kontrolu Kualidade no Komunikasaun Sosial, iha Hospital Nasional Guido Valdares (HNGV), Sara Maria F. Xavier ba jornalista sira iha HNGV, Kinta (10/06/2021).

“Sira neebe VD iha nain 8 neebe tama mai sala Emerjensia HNGV, neebe ita rejistu, no ema taa nain 2,” hatete Sara.

Nia dehan, iha mos violensia fisiku domestika neebe mak ema hana ho rama ambon nee nain 2, nomos neebe hetan pankada nain 3. Neebe mak mout iha nain 3, no sira neebe mak beneno lanu nee iha nain 1.

Sira neebe mak hetan VD dala ruma familia mak lori mai, no sira hetan atendementu neebe diak husi mediku sira iha sala emerjensia HNGV nian. Ida nee la presiza hein rezultadu swab, maibe sira neebe mai ho kondisun grave nee diretamentu halo atendementu.

“Iha nee ita fahe triazen ho kategoria tuir kondisaun pasiente nian, ida nee mak presiza atendementu direta no urjente, tanba ita mos iha protokolu, ida neebe mak semi urjensia nee ita presiza hein oras ida mak foin atende nia,” nia esplika.

Iha fatin seluk, Koordenador Fatin Hakmatek, Luisa Marcal dehan, iha fatin hakmatek rejistu kazu 48, tanba VD feto nain 35, mane nain ida, maibe iha mos violensia seksual (VS) nain 9. Abuzu non VD 4, kazu husi Dili 42, Ermera nain 2, no Manatuto 2.

“Durante iha fulan Maiu nia laran ami simu kazu husi ita nia parseiru sira hamutuk 48 kazu. Husi numeru nee iha VD feto 34, mane nain 1,” dehan Luisa.

Nia informa, iha mos kazu violensia seksual iha nain 9, feto adultu nain 3, labarik nain 6, nomos abuzu fisiku VD iha nain 4, nane adultu 2, no labarik nain 2.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...
%d bloggers like this: