Emprezariu Labele Halibur Malu Iha Edifisiu SERVE

Atu kumpri nafatin regras distansiamentu ba moras Covid-19, husu ba emprezariu sira labele mai halibur malu iha edifisiu SERVE, maibe oinsa mak bele rejistu liu husi sistema online. (Foto: STL/Jacinta Sequeira)

DILI, STLNEWS.co – Atu kumpri nafatin regras distansiamentu ba moras Covid-19, husu ba emprezariu sira labele mai halibur malu iha edifisiu SERVE, maibe oinsa mak bele rejistu liu husi sistema online.

Liu husi intervista ba STL, Direitor Ezekutivu SERVE, Florencio Sanches, hatete, atu kumpri no evita moras ida nee, diak emprezariu sira labele mai halibur malu iha edifisiu SERVE, maibe oinsa mak maluk emprezariu sira buka meus oinsa, SERVE uza liu husi email.”

Konsellu Ministru hasai ona regras ida nee, regras iha nee ba hatete katak, labele halibur malu liu ema nain 10, agora SERVE lor-loron simu ema atus ida ou rua, ida nee ita viola ona regras sira nee, tanba nee, semana primeiru husi fulan oin, SERVE sei halo enkontru ida, para bele kumpri ida nee, emprezariu sira labele mai halibur malu iha edifisiu SERVE iha teritoriu tomak, maibe emprezariu sira bele uza deit meus saida deit mak SERVE uza liu husi email 13, neebe agora destaka iha teritoriu tomak,” dehan Florencio ba STL iha nia knar fatin SERVE, Hudi Laran, Kuarta (30/12/2020).

Nia dehan, atu prevene aan husi moras Covid-19, emprezariu sira labele hakat ba edifisiu SERVE, maibe aplika tuir sistema neebe mak iha ona, tanba ekipa SERVE nian, sei atende emprezariu sira liu husi email, informa ba sira katak, ho ida nee, evita moras ida nee labele hadaet ba malu.

Reportajen: Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here