DILI, STLNEWS.co – Manuel Trindade hanesan familia husi veteranu Manuel Pinto ho kodigu ‘Mauiku’, husu ba governu atu fasilita tratamentu iha rai liur para bele haree nia kondisaun saude.
“Ami ezije governu liu-liu ba ministeriu relevante, hanesan Ministeriu Asuntus Kombatentes Libertasaun Nasional (MAKLN) atu bele haree ninian kondisaun ba tratamentu, karik urjentemente, tanba kilat musan sei iha hela nia isin lolon, hodi bele haruka Mauiku ba halo tratamentu iha rai liur, para bele haree ninian kondisaun tomak,” dehan Manuel ba jornalista sira iha HNGV, Kinta nee (28/04/2022).
Nia hatutan, tanba povu baibain bele trata too iha Singapura, maibe soldadu FALINTIL neebe mak fo aan ba luta libertasaun durante tinan 20 ukun aan nia seidauk hetan buat ruma husi estadu.
Kuandu haree didiak ninian luta hetan kaptura iha tinan 1987, nee tanba tiru kanek tiha mak hetan kaptura. Moras primeiru halo tratamentu mai iha nee, kauza husi bala musan neebe iha ninian kabun ho ninian ain, depois tratamentu tuir mai atu lao ba operasaun la atinji, entaun familia lori fila fali ba foho.
Veteranu nee hetan kaptura iha tinan 1987, tun mai nudar mos FALINTIL ida hodi organiza fali familia no povu atu bele tama iha kaixa klandestina hodi luta nafatin ba iha ukun rasik aan too mai iha tinan 1999.
(nat)
