DILI, STLNEWS.co – Fatin kritiku sira hanesan Intensive Care Unit (ICU) no mos unidade balu iha departamentu seluk, iha Hospital Nasional Guido Valadares (HNGV) nee la iha vizitor.
“Ita dezenvolve matan dalan ida nee para atu bele aplika la iha vizitor. La iha vizitor nee laos deit ba ema sira neebe laos profisional saude ka vizitor sira husi liur, maibe ba mos ami sira neebe servisu iha hospital rasik,” dehan Diretor Ezekutivu HNGV, Alito Soares ba jornalista sira iha HNGV, Kinta nee (05/05/2022).
Nia hatutan, departamentu ida atu ba vizita ka ba haree pasiente iha sala kritiku, iha ICU karik tenki ser utiliza medida sira ba prevensaun antes ba haree pasiente iha sala kritiku sira.
(nat)
