DILI, STLNEWS.co – Tuir Visi Ministru Saude, Bonifacio Maucoli dos Reis informa, medikamentu neebe agora daudaun Servisu Autonomu Medikamentu no Ekipamentu Saude (SAMES) kompra iha hela faze deliberasaun, nunee fulan Agostu nee bele tama ona iha Timor Leste (TL).
“Hau hanoin medikamentu nee agora kompra hela ho orsamentu neebe mak governu aloka ba SAMES, nee agora sira halo hela akizasaun ba kompras aimoruk, sira hein katak, remata fulan Agostu nee aimoruk sira bele tama hotu ona tuir item sira neebe mak stok hotu,” dehan nia ba jornalista iha SAMES Kampu Alor, Segunda nee (01/08/2022).
Nia hatutan, iha item 513 neebe mak iha no agora daudaun utiliza hela, maibe agora stok 234 item mak laiha, maibe ho orsamentu 2022 nee halo hela prosesu aprovizionamentu hein faze deliberasaun iha final fulan Agostu nia laran.
Kontinua ba pajina 2
