Finalmente, Xanana Simu Vasina

DILI, STLNEWS.co – Finalmente dader nee, mais ou menus tuku 8:00 otl, lider karismatiku Kay Rala Xanana Gusmão hakbesik an ba Klinika Fatu-Meta, hodi simu vasina Sinovac. Ida nee sai ezemplu ba populasaun sira, atu hotu-hotu simu vasina, tanba ho vasina mak bele prevene an husi Covid-19.

Vice Koordenador Forsa Tarefa Prevensaun Surtu Covid-19 iha Timor-Leste (TL), Odete da Silva Viegas, ba jornalista sira iha Klinika Fatu-meta, Kinta (24/06/2021) dehan, Klinika Fatumenta mos sai postu vasinasaun hahu kedas husi Abril, tanba nee klinika Fatumenta sai postu vasina AstraZeneca no postu Sinovac.

“Agradese katak, ita nian maun boot Xanana hakbesik an iha Klinika Fatumenta dader deit hodi simu vasina Sinovac,” hatete Odete.

Nia dehan, lider karismatiku Kay Rala Xanana Gusmão finalmente hakat mai hodi simu vasina, ida nee mos hatudu ezemplu diak ida ba populasaun iha Timor-Leste, neebe maka seidauk simu vasina bele habesik an mai iha postu vasinasaun iha neebe deit, atu nunee hetan vaksina.

Nia esplika, vasina nee laos obrigatoriu, vasina nee husi ema nian konsensia rasik, lider karismatiku Kay Rala Xanana Gusmão mai ho nia hakarak rasik.

“Maske liu ba ita mos buka atu hakbesik ba maun boot Xanana atu bele mai vasina, maibe karik ohin nia senti katak, tempu neebe iha i nia senti katak diak atu simu vasina entaun husi ami mos agradese tanba hanesan lider iha nasaun ida nee hakarak ona vasina, ida nee signifika sinal diak ba ema hotu-hotu” nia esplika.

Tanba lider hotu-hotu simu ona vasina, ikus liu mak lider karismatiku Kay Rala Xanana Gusmão, ida nee hatudu mos motivasaun ba populasaun sira, atu bele hakbesik an mai postu vasina hodi simu vasina.

Iha fatin hanesan, lider karismatiku Kay Rala Xanana Gusmão dehan, pendemia Covid-19, problema boot ida, laos deit ba pesoal saude sira, maibe ba ema hotu.

“Nee dunik hau husu ita hotu-hotu hakbesik an, mai fatin neebe bele hetan vasina, hakbesik an mai ba, tanba problema nee iha mundu, milloens mak mate, ho milloens mak moras,” nia dehan.

Lider nee esplika, iha europeia iha variante oi-oin mak mosu tan ona, nee duni diak liu populasaun hotu-hotu prevene no simu vasina para evita an husi moras perigozu Covid-19 nee.

“Diak liu ita hotu-hotu prevene ho simu vasina para evita ita nian an rasik no ita nia familia husi perigozu Covid-19 nee, laos iha istoria bar-barak, maibe husu proteja imi nia an rasik, proteja imi nia familia,” nia afima.*

Reportajen: Jeniche da Costa
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: