FONGTIL Halao Dialogu Ho MS, Atinje Mehi PM

DILI, STLNEWS.co – Sosiedade sivil halao dialogu ho Ministra Saude hodi kontribui hanoin hamutuk, hodi hatan ba deklarasaun Primeiru Ministru, Taur Matan Ruak nian katak, to Dezembru populasaun partisipa iha vasina atinje 80%.

Tuir Diretor Forum ONG Timor-Leste (FONGTIL), Daniel Santos do Carmo informa katak, objetivu husi dialogu nee, atu kontribui opiniaun hamutuk ho Ministeriu Saude, hodi bele buka solusaun, hodi hatan ba deklarasaun PM nian.

“PM nia mehi nee kapas, maibe ministeriu sira seluk hanesan MAPKOMS laiha kapasidade atu sensibilizasaun ita nia populasaun, konaba importansia husi vasina,” dehan nia ba jornalista iha salaun CNE, Colmera, Dili, Sesta, (04/06/2021).

Nia dehan, mehi neebe PM hakarak diak tebes, maibe ministeriu relevante sira maka servisu tarde liu, nunee objetivu husi dialogu ida nee organizasaun sosiedade sivil neebe servisu iha area saude nian konvida WHO atu kontribui opiniaun hamutuk, atu ajuda hadia no monitoriza oinsa maka atu fo solusaun para atu bele atinje mehi ida neebe PM hakarak, katak to Dezembru populasaun 80% bele partisipa iha vasina.

“Tanba ami hatene katak kapasidade ministeriu sira nian iha problema, tanba nee sira tenki fo edukasaun sensibilizasaun konaba importansia husi vasina, no vasina nia risku sira ba populasaun sira iha area rural,” dehan nia.

Iha parte ida, sosiedade sivil hatete katak populasaun ida neebe maka tenki vasina massal iha suku no populasaun ida neebe maka tenki vasina iha sentru saude wainhira sira iha moras komplikadu, tanba nee tenki halo grupu labele halo vasina jeral, ida nee opsaun ida neebe maka sosiedade sivil propoin atu ajuda ministeriu relevante.

“Ami sei destaka NGO sira hotu iha teritoriu nasional 65 iha postu administrativu atu tau matan ba iha prosesu vasina, oinsa maka atu deskobre katak pesoal saude sira nia atendementu oinsa, vasina nee disponibilidade ou lae,” nia tenik.

Aleinde nee, Diretor nee mos kestiona deklarasaun MS iha dialogu nee, tanba resposta pelu kontrariu entre deklarsaun Primeiru ministru.

“Ohin ita rona rasik katak MS hatete dehan maske ita nia popoulasaun barak atu ba vasina maibe problema vasina menus, ida nee tanba saida, hanoin katak iha pelu kontrariu ho PM nia deklarasaun, tanba populasaun iha interese atu partisipa iha vasina, maibe MS deklara katak vasina limitadu, tanba nee membru sosiedade hakarak atu hare konaba ida nee.” dehan Daniel do Santos Carmo, Diretor Ezekutivu FONGTIL.

Nia akresenta, tanba nee maka deklarasaun PM nian sei namlele, wainhira ministeriu relevante liu liu Ministra Saude no ekipa pesoal sira hotu, lahalao papel didiak oinsa maka atu asegura didiak PM nia deklarasaun, hanoin ida nee susar atu atinje ida nee.

Entermus desizaun klaru, ida nee maka PM hatete katak to Dezembru tenki ajinte 80%, maibe husi parte tekniku nia preparasauun koalia nee bazeia ba sira nia kapasidade, tanba sira lajere asuntu nee ho didiak, mai ho razaun katak labele, tanba sira lahalo servisu.

Iha fatin hanesan, Ministra Saude Odete Maria Freitas Belo haktuir katak, dialogu nee importante tebes tanba bele fo hanoin hodi fahe opiniaun hamutuk, no mos oinsa maka atu bele rona didiak opiniaun hirak nee.

“Hau iha interese tebes atu partisipa iha eventu ida nee, atu bele rona saida maka ema hakarak no ami bele fahe mos saida maka ami hatene,” dehan Odete.

Ministra Saude nee dehan, nia iha espetativa boot no iha esperansa katak saida maka rona no fahe ba malu iha dialogu nee, sei la too iha nee deit, maibe oinsa maka atu bele fahe tutan ba komunidade sira, liu liu komunidade sira neebe maka la asesu ba televizaun no telemovel, nunee obrigasaun atu bele fahe informasaun neebe maka hetan husi dialogu nee ba komunidade sira.

Hatan konaba deklarasaun neebe pelu kontrariu entre PM no MS, Ministra deklara katak, nia seidauk bele resposta, no sei presiza atu haree konaba ida nee.

“Iha sensibilizasaun ita halo nafatin hodi fahe informasaun liu husi ekipa pesoal saude sira neebe iha sentru saude, no mos autoridade lokal sira oinsa maka atu haree konaba ida atu vasina too 80% nee,”

Nia hetete, konaba atu atinje mehi neebe iha, no atu lori vasina nee atu kobre ba iha populasaun 80% nee, meius ida maka MS labele nafatin servisu hanesan nee oinsa maka atu hahu muda estratejia, oinsa maka atu bele hadia konaba kobertura vasinasaun ba Covid-19 nian ba iha populasaun sira.

“Esforsu ida MS halo maka presiza atu halibur ema hamutuk lai, oinsa maka atu fo informasaun, hodi fahe ba populasaun sira, tanba nee maka MS servisu hamutuk ho CNE atu bele koordena no autoridade lokal sira atu mobiliza ema iha fatin ida, nunee ekipa saude sira bele tuun ba fahe informasaun, nunee bele rona saida maka komunidade hakarak hatete,” hakotu nia.*

Reportajen: Santina Castro
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

MEJD Planu Sei Harii Tan Eskola

DILI, STLNEWS.co - Ministru Edukasaun, Juventude, no Desportu (MEJD), Armindo Maia hateten, tinan nee governu liu husi MEJD sei harii tan eskola hamutuk 250...

Aimoruk La Too, Komunidade Buruma Balun La Vasina

BAUCAU, STLNEWS.co - Komunidade iha Suku Buruma antusiasmu tebes atu simu vasina kontra Covid-19, maibe aimoruk la sufisiente, nunee balun deit mak simu vasina...

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...
%d bloggers like this: