FONGTIL Husu SIJK Teste SWAB Ba Estudante

Ilustrasaun Teste Swab. (Foto: Espesial)

DILI, STLNEWS.co – Relasiona ho Munisipiu Ermera neebe detekta ona kazu pozitivu ba Covid-19 nain 2, Forum ONG Timor Leste (FONGTIL) husu governu liu husi Sentru Integradu Jestaun Krize (SIJK), atu halo lalais teste swab ba sidadaun sira neebe dadaun nee atu sai husi Dili ba munisipiu.

Liu husi konferensia imprensa , portavoz Ivo Colimau Lay Costa informa, husu ba diretor Ezekutivu Sentru Integradu Jestaun Krize, relasiona ho situasaun atual neebe akontese iha data 2 de Abril de 2021, horas 08:30 dadersan, lokal de akontesimentu Porta entrada saida parte weste Tasi Tolu, Dili neebe iha movimentasaun publiku husu hodi desloka (exsodus) ba sira nia munisipiu origin. Ho razaun sira lamenta ho situasaun atual nebe sira infrenta durante implementasaun estadu rmerjensia (serka sanitaria no konfinamentu obrigatoriu) hanesan hamlaha, saude, agua potavel, ekonomia no asuntu sosiais seluk tan neebe prejudika sira nia vida.
“FONGTIL delibra submissaun urgente ba parte kompetente hodi responde situasaun atual rapidamente, hodi nune evita tramissaun lokal iha Murisipiu sira neebe laiha kazu Covid-19, no evita situasaun balun neebe mais pior iha futuru relasiona ho EE (serka Sanitaria no konfinamentu Obrigatoriu) ba dala sanulu resin rua (12),” dehan Nia liu husi komunikadu imprensa iha Salaun FONGTIL Caikoli,Dili, Sesta (02/04/2021).

FONGTIL rekomenda atu realiza swab test ba estudantes, universitariu sira no komunidade hirak neebe origin husi munisipiu seluk neebe laos Dili, ho objektivu hodi fasilita sira fila ba sira nia munisipiu (depende ba ejijensia).

Nia dehan, husu ba governu hodi rekejitu apoiu ofisial husi OMS/WHO hodi apoiu efektivu pessoal saude no ekipamentu mediku para assiste swab test neebe propoin ona.*

Reportajen: Santina Castro
Editora: Domingas Gomes

LEAVE A REPLY

Please enter your comment!
Please enter your name here