Funsionariu ANATL,E.P. Simu Ona Vasina

DILI, STLNEWS.co – Funsionariu Administrsaun Aeroportu Navigasaun Aerea Timor Leste, Empreza Publika (ANATL,E.P.), ohin simu ona vasina AstraZeneca husi ekipa Ministeriu Saude, neeebe kolabora ho Organizasaun Mundial Saude (OMS).

Hafoin remata simu vasina, Presidente ANATL,E.P. Jose Trindade ba jornalista hateten, funsionariu sira iha aeroportu konsideradu hanesan lina frente, hodi halo atendimentu ba movimentu sidadaun sira neebe tama sai iha Timor Leste.

Tanba nee wainhira vasina nee to iha TL, governu liu husi Ministeriu Saude no Organizasaun Mundial Saude deside kedas atu implementa vasina ba funsionariu ANATL,E.P. tanba sira mos konsidera iha risku neebe as Covid-19.

“Funsionariu ANATL,E.P. sira neebe servisu iha aeroportu hetan kedas oportunidade dahuluk atu hetan vasina AstraZeneca, nunee bele hasae imunidade sira nia hodi kontra virus nee, hau apela ba funsionariu hotu neebe servisu iha Aeroportu Internasional Nicolau Lobato atu idak-idak mai simu vasina maibe nee la obriga, no hau hanesan Prezidente mak hetan vasina uluk para hatudu exemplu ba funsionariu sira bele mai halo tratamentu ka hetan vasina,” dehan Presidente ANATL,E.P. Jose Trindade iha Aeroportu Internasional Nicolau Lobato, Comoro, Sesta (16/04/2021).

Nia dehan, hafoin remata simu vasina ho tipu AstraZeneca nee senti ba diak no la iha reasaun ruma neebe konsidera hanesan oin halai.

Nia dehan, lista funsionariu ANATL,E.P. neebe ohin atu simu hamutuk nain 50 deit, maibe depois funsionariu sira nee simu tia vasina senti diak no la fo risku, funsionariu sira seluk mos mai hakarak simu hotu vasina nee.

Entretantu total funsionariu ANATL,E.P. total 167. Maibe iha mos funsionariu sira hanesan Polisia UPF, imigrasaun, karantina, PNTL, no seluk tan.*

Reportajen: Alberto Menezes
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Hasai Imunidade Anabela, Olinda: $40 Deit Lalika Hatan Ba Tribunal

DILI, STLNEWS.co - Parlamentu Nasional (PN) hasai ona imunidade deputada bankada FRETILIN Anabela Savio, atu hodi ba hatan iha tribunal relasiona ho kazu mina....

Situasaun Covid-19, HNGV Kama Mamuk Barak

DILI, STLNEWS.co - Ho situasaun pandemia surtu Covid-19 neebe oras nee Timor-Leste hasoru, halo pasiente barak mak la mai halo tratamentu iha Hospital Nasional...

Familia La Simu Matebian LM Tara Aan Mesak, Teofilo: Hau Hein Rezultadu Investigasaun

DILI, STLNEWS co - Familia husi matebian Lebenita Madeira neebe deskonfia tara aan iha nia rezidensia Bebonuk nee sira la simu, tanba nee husu...
%d bloggers like this: